Friday, May 27, 2022

ഭൂമിയുടെ വിത്ത്

കവിത

കുഴൂർ വിത്സൺ

അതിരാവിലെ
ഭൂമിയുടെ വിത്തുകൾ
ശേഖരിക്കാൻ പുറപ്പെട്ടു

തിരിച്ച് പറക്കും വഴി
ചിലത് പുരമുകളിൽ വീണു
ചിലത് മലമുകളിൽ വീണു
മറ്റ് ചിലത് വയലുകളിൽ

ഭൂമിയുടെ വിത്തുകൾ
മണ്ണിലും
കണ്ണിലും
വിണ്ണിലും
മുളയ്ക്കാൻ തുടങ്ങി

പ്രപ്രഞ്ചമാകെ
ഭൂമിയുടെ
വിത്തുകള്‍ പൊട്ടി

എനിക്കിതൊന്നും
നോക്കാൻ സമയമില്ലെന്നും
ഇനി ഇങ്ങനെ
എന്തെങ്കിലുമൊക്കെ ഭാവിച്ചാൽ
കൈവെട്ടി കളയുമെന്നും
ദൈവമെനിക്ക് താക്കീത് നല്കി

ദൈവത്തിന്റെ
ഉടയതമ്പുരാന്‍ പറഞ്ഞാലും
ഈ പരിപാടി തുടരുമെന്ന
അശരീരി അവിടമാകെ മുഴങ്ങി

ഞാൻ വെറുതെ പറഞ്ഞതാണെന്ന്
ദൈവം ചിരിച്ചുകൊണ്ട് പറഞ്ഞു

ഭൂമിയുടെ ഒരു വിത്ത്
പാറമേൽ മുളച്ചു


ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

Related Articles

ആത്മാവിഷ്കാരങ്ങളുടെ ആത്മ

ഡോ രോഷ്നി സ്വപ്ന എന്റെ വായനയുടെ, കാഴ്ചയുടെ പരിസരങ്ങളിലേക്ക് തീർത്തും വ്യത്യസ്തമായ ഒരു അനുഭവമായാണ് ആത്മ ഓൺലൈൻ/ആർട്ടേരിയ കടന്നുവന്നത്. ഇൻറർനെറ്റ് എഴുത്തുകാലം ജനിക്കും മുമ്പ് അച്ചടിത്താളുകളുടെ സുഗന്ധങ്ങൾ മാത്രം പ്രണയിച്ച ഒരുവളെ തിരത്താളുകളിലേക്ക് ആകർഷിക്കുക...

എഴുത്തിനൊരിടം

അഞ്ജലി മാധവി ഗോപിനാഥ് മെയ്‌ 27' ന് The arteria യുടെ അമ്പതാം പതിപ്പ് ഇറങ്ങുന്നു. ഏറെ സന്തോഷം തോന്നുന്ന കാര്യമാണ്. എന്താണ് "The arteria "! എന്തൊക്കെയാണ് ഇതിന്റെ പ്രത്യേകത? ചോദ്യങ്ങൾ ഒരുപാടാണ്. മലയാളത്തിലെ...

ചില പിടിവാശികളാണ് ആത്മയുടെ ഔന്നത്യം

ശ്രീശോഭ് 21-ാം നൂറ്റാണ്ടിന്റെ ഉത്തരാർധത്തെ ചരിത്രം ഓർക്കാൻ പോകുന്നത് ഓൺലൈൻ എഴുത്ത് പ്രസ്ഥാനത്തിന്റെ സുവർണകാലം എന്ന നിലയിലായിരിക്കും. പാശ്ചാത്യ ലോകത്തിനു പിന്നാലെ എഴുത്തിന്റെയും വായനയുടേയും സക്രിയമായ സമാന്തരലോകം ഇവിടെയും പ്രബലമാകുന്ന കാഴ്ചയാണ് വർത്തമാനകാലത്തെ പുഷ്കലമാക്കുന്നത്. ട്രഡീഷണൽ...
spot_img

Latest Articles