Monday, September 28, 2020

ഭൂപടം

സുവിൻ വി എം

ഹിസ്റ്ററി ക്ലാസ്സിൽ
ലോകഭൂപടം
ചുവരിൽ തൂക്കിയിട്ട്
ടീച്ചറ് പറഞ്ഞു
നമ്മളെ ഈ ഭൂമിയെ പരത്തി
വെച്ചാൽ ഇതുപോലിണ്ടാവും..
കൊള്ളാം..കൊള്ളാം..
ടീച്ചറെ, നമ്മൾ ഇതിൽ എവിടെയായിരിക്കും?
ടീച്ചറൊന്നു പതറി
ഇന്ത്യയെന്ന് പറയണോ?
ഇവിടെയാണ്‌ നാമെന്ന്
ഇന്ന് പറഞ്ഞാൽ ചിലപ്പോ
നാളെ അവര് പറയില്ലേ
ഈ ടീച്ചർക്കൊന്നും അറിയില്ലെന്ന്..!
എങ്കിലും ടീച്ചർ ഇന്ത്യയ്ക്ക് നേരെ
വിരൽ ചൂണ്ടി..
രാവിലത്തെ അസംബ്ലിയിൽ
പ്രതിജ്ഞ ചൊല്ലി കൊടുക്കുമ്പോൾ
ഏറ്റ് പറയാൻ നമ്മുടെ കുട്ടികൾ
തമ്മിൽതമ്മിൽ നോക്കാതിരിക്കാനെങ്കിലും,
അവർ പഠിക്കട്ടെ, വരയ്ക്കാൻ,
ഇത് നിങ്ങളുടെ രാജ്യമല്ലെന്ന് പറയുന്നവരോട്
നിങ്ങളുടേതാണോ എന്ന് തിരിച്ചു ചോദിക്കുമ്പോൾ
അവരുടെ ഇന്ത്യ ലോക ഭൂപടത്തിൽ ചിരിക്കട്ടെ…


ആത്മ ഓൺലൈനിലേക്ക് നിങ്ങൾക്കും കവിതകൾ അയക്കാം:
(ഫോട്ടോയും ഫോണ്‍ നമ്പറും സഹിതം)
editor@athmaonline.in, 9048906827

Leave a Reply

Most Popular

ആരോഗ്യമുള്ള അമീബകൾ

കവിത ഭാഗ്യശ്രീ രവീന്ദ്രൻ വി. ആർ സൂത്രവാക്യങ്ങളിലേക്ക് വിവർത്തനം ചെയ്ത സൂക്ഷ്മലോകങ്ങളെ ഈ നോട്ടുബുക്കിൽ നിങ്ങൾ വായിക്കും. പക്ഷേ, "ആരോഗ്യമുള്ള അമീബകളാണ് ഈ ഗവേഷണത്തിന്റെ ഐശ്വര്യം" എന്ന് നിങ്ങളിതിൽ കാണില്ല. എന്തെന്നാൽ പ്രസിദ്ധീകരണയോഗ്യമല്ലാത്ത വസ്തുതകളാണ് ഗവേഷണജീവിതത്തിന്റെ യാഥാർത്ഥ്യമെന്ന് ആരും പറയാറില്ല. പറയാത്തതുകൊണ്ട് അതൊന്നുമില്ലെന്നല്ല, മറിച്ച് മിണ്ടാത്തതുകൊണ്ട് ഗവേഷകരുണ്ട്, ഉണ്ടാകുന്നുമുണ്ട് എന്നതാണ് വാസ്തവം. ശാസ്ത്രീയമായ ഒരുദാഹരണം നോക്കൂ: "അനുസരണയുള്ള വിദ്യാർത്ഥിനി...

ഓർമ്മച്ചുരങ്ങളുടെ ചൂടും തണുപ്പും

സുരേഷ് നാരായണൻ ഓർമ്മകൾ പലതരമുണ്ട്. മഴ നനഞ്ഞതു മുതൽ മന്ത്രകോടി കൊടുത്തതു വരെ. മറവിക്കു പണയം വെച്ചതുമുതൽ മരണത്തിനു ബലിയിട്ടതു വരെ. ബത്തേരിയുടെ മാനസപുത്രനായ അർഷാദ് ബത്തേരി നമ്മെ ക്ഷണിക്കുകയാണ് ഓർമ്മച്ചുരങ്ങളുടെ ഒളിത്തണുപ്പുകളിലേക്ക്! ചുരംകയറുകയാണ് ഇറങ്ങുകയാണ് എന്ന...

ആരവങ്ങളില്ലാതെ- അകലങ്ങളിൽ സമാന്തര എൽ.എൻ.വി ഓൺലൈൻ യുവജനോത്സവം

കോവിഡ് മഹാമാരിയുടെ പശ്ചാത്തലത്തിൽ മുടങ്ങിക്കിടക്കുന്ന സ്കൂൾ യുവജനോത്സവത്തിന് ബദൽ സാധ്യതകൾ തേടുകയാണ് നാടക പ്രവർത്തകുടെ ആഗോള ഓൺലൈൻ കൂട്ടായ്മയായ ലോക നാടക വാർത്തകൾ. ഒക്ടോബർ, നവംബർ, ഡിസംബർ മാസങ്ങളിൽ റിഥം ഹൗസ് പെർഫോർമിങ്ങ്...

രമണി

കവിത മാനസി പി.കെ രമണിയെ വീണ്ടും കാട്ടിനുള്ളിൽ കണ്ടത്രേ. ഇത്തവണ കൊള്ളി പെറുക്കാൻ പോയ ശാന്തയാണ് രമണിയെ കണ്ടത്. പനമരത്തിന്റെ താഴെ രമണിയും, നരുന്ത് പോലൊരു ചെക്കനും. ലേശം മുരിമ ഇണ്ടെങ്കിൽ പൊരൻ്റുള്ളിൽ കൊണ്ടോകെടീ പൊലയാടിച്ചി മോളേന്ന് ശാന്ത കാർക്കിച്ചു തുപ്പി. പൊരന്റുള്ളിലിത്ര കാറ്റും, വെളിച്ചോം കിട്ടൂല ശാന്തേന്ന്...
%d bloggers like this: