Sunday, September 25, 2022

സോപ്പിട്ടു വീഴ്ത്തി സൃഷ്ടിവിസ്മയം

കോഴിക്കോട് വിസ്മയം കോളേജ് സെമിനാര്‍ ഹാളില്‍ നടക്കുന്ന സോപ്പു ശില്പപ്രദര്‍ശനം ആരംഭിച്ചു. രണ്ട് ദിവസങ്ങളിലായി നടക്കുന്ന പ്രദര്‍ശനം അഡ്വ. മുഹമ്മദ് നിയാസ് ഉദ്ഘാടനം ചെയ്തു. കോളേജിലെ അദ്ധ്യാപകനും ലോകറെക്കോര്‍ഡിനുടമയുമായ ഡോ. ബിജു സിജിയാണ് കുളിക്കാനുപയോഗിക്കുന്ന സോപ്പുകൊണ്ടുള്ള ശില്പങ്ങള്‍ ഒരുക്കിയിരിക്കുന്നത്. ഈ വ്യത്യസ്തമായ ശില്പകലയിലെ സമഗ്ര സംഭാവനയെ മാനിച്ച് ബിജുവിന് അമേരിക്കയിലെ ഇന്റര്‍നാഷണല്‍ തമിഴ് യൂണിവേഴ്‌സിറ്റി 2017 ആഗസ്റ്റില്‍ ഡോക്ടറേറ്റ് നല്‍കി ആദരിച്ചിരുന്നു.

പ്രൊഫഷണല്‍ ഫോട്ടോഗ്രാഫിയിലും പ്രശസ്തി നേടിയിട്ടുള്ള ബിജു തിരുവനന്തപുരം സ്വദേശിയാണ്. ഇന്ത്യയിലും വിദേശത്തും നിരവധി പ്രദര്‍ശനം നടത്തിയിട്ടുള്ള ഇദ്ദേഹം ആദ്യമായിട്ടാണ് കലയെ എന്നും ഹൃദയത്തോടു ചേര്‍ത്തുവെച്ച സാമൂതിരിയുടെ തട്ടകത്തില്‍ വേറിട്ട പ്രദര്‍ശനത്തിന് വേദിയാക്കുന്നത്. 2.8 സെന്റീമീറ്റര്‍ ഉയരവും 1.9 സെന്റീമീറ്റര്‍ വീതിയും 0.8 സെന്റീമീറ്റര്‍ കനവുമുള്ള കഥകളി ശില്പം മുതല്‍ ദൈവങ്ങള്‍, മഹാത്മാക്കള്‍, ചലച്ചിത്ര താരങ്ങള്‍, ഗായകര്‍, ജീവജാലങ്ങള്‍, കട്ടപ്പാ-ബാഹുബലി, തെയ്യം, സച്ചിന്‍ ടെന്‍ഡുല്‍ക്കര്‍, ഗ്രേറ്റ് ഫാദര്‍, രജനിയുടെ കാല ശില്പം, ഭഗവത് ഗീതാ സന്ദര്‍ഭ ശില്പം തുടങ്ങി എണ്‍പതോളം ശില്പങ്ങള്‍ പ്രദര്‍ശനത്തിലുണ്ട്. രാവിലെ 10 മുതല്‍ 6 വരെയാണ് പ്രദര്‍ശന സമയം. വിസ്മയം കോളേജിലെ വിദ്യാര്‍ത്ഥികളും, സുഹൃത്തുകളുമാണ് ഇതിന്റെ മുഖ്യ സംഘാടകര്‍ എന്ന് ബിജു സിജി പറഞ്ഞു. ഒക്ടോബര്‍ 6ന് വൈകിട്ടോടെ ശില്പ പ്രദര്‍ശനം സമാപിക്കും.

spot_img

Related Articles

‘വൈറ്റ് ഷേഡോസ്’ ചിത്ര പ്രദർശനം ആരംഭിച്ചു

കൊയിലാണ്ടി ശ്രദ്ധ ആർട് ഗാലറിയിൽ ആർടിസ്റ്റ് ടി എന്‍ ജ്യോതിഷിന്റെ ചിത്ര പ്രദര്‍ശനത്തിന് ശനിയാഴ്ച തുടക്കമായി. കവിയും എഴുത്തുകാരനുമായ മോഹനന്‍ നടുവത്തൂര്‍ ഉദ്ഘാടനം ചെയ്തു. യു കെ രാഘവന്‍ മാസ്റ്റര്‍ അധ്യക്ഷത...

ലോകമേ തറവാട് – കല അതിജീവനം തന്നെ – ഭാഗം 2

ലോകമേ തറവാട് - കാഴ്ചാനുഭവങ്ങൾ ഡോ. അനു പാപ്പച്ചൻ എഴുതുന്നു കാലം കലയോട് ചെയ്യുന്നത് എന്ത്? എന്തെന്നറിയാൻ കല കാലത്തിന് കൊടുത്ത പ്രത്യുത്തരം നോക്കിയാൽ മതി.. അടച്ചിരിക്കാൻ നിർബന്ധിക്കപ്പെട്ട മനുഷ്യരുടെ കാലമായിരുന്നു. ഇനിയും തീർന്നിട്ടില്ല. തുടരുകയാണ്....

ലോകമേ തറവാട് – കല അതിജീവനം തന്നെ

ലോകമേ തറവാട് - കാഴ്ചാനുഭവങ്ങൾ ഡോ. അനു പാപ്പച്ചൻ എഴുതുന്നു മഹാവ്യാധിയുടെ ആധിയിൽ ഒറ്റപ്പെട്ടും ചിതറിയും നഷ്ടപ്പെട്ടും പോയ ജീവിതങ്ങളുടെ പരിച്ഛേദമായി എത്തുന്ന മനുഷ്യരോട് അതിശയകരമാം വിധം താദാത്മ്യപ്പെടുന്ന കലാപ്രപഞ്ചമായി 'ലോകമേ തറവാട് '. 267...
spot_img

Latest Articles