binoy-varakil

യാത്രാമൊഴി

കവിത

ബിനോയ് വരകിൽ

പ്രപഞ്ച ശിരസ്സാകെ
കോവിഡ് പത്തൊൻപത്
പത്തൊൻപതുകാരന്റെ
മുടിയും താടിയും മീശയും
പോലെ നീണ്ടു പടർന്നപ്പോൾ
സുബോധവും ഉപബോധവും
അബോധവും പിളർന്നു.

ഒരു കട്ടിൽ
രണ്ടായി…
പിന്നെ
വേറെ മുറിയായി…
ദിനംപ്രതി
എന്നിൽനിന്ന്
കൂടുതൽ അകലങ്ങളിലേക്കവൾ
നീങ്ങി.

ഫ്രോയ്ഡ് : ” അവളോ? അതോ നീയോ ?”

ശ്വാസമറ്റ്
നിലത്തു വീഴവേ
വൈരൂപ്യമാർന്ന
ജരാനരകൾ കണ്ട്
അവസാനമായ്
അവൾ മൊഴിഞ്ഞു:
“ഞാൻ സ്നേഹിച്ചത്
നിന്നെയല്ല…”

ഫ്രോയ്ഡ് : ” അവളോ? അതോ നീയോ ?”

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) editor@athmaonline.in, WhatsApp : 80 788 16827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Leave a Reply

%d bloggers like this: