Wednesday, June 23, 2021

ഹാലൂസിനേഷൻ

റീന പി.ജി

ഒരു പ്രണയത്തിന്
മുഖം കൊടുക്കുകയെന്നത്
ഇരുണ്ട ഭൂഖണ്ഡത്തിന്റെ
ഉച്ചവെയിൽ പരപ്പിൽ
ഇല്ലാത്ത നീലമത്സ്യങ്ങളെ
തിരയലാണ്.
മത്സ്യക്കണ്ണുകൾ
കൊത്തിവലിച്ചിട്ട
ഉടലാഴങ്ങളെ
മരുഭൂമിയിലെ
ഒറ്റത്തുള്ളിമഴക്കായ്
ഇട്ടുകൊടുക്കലാണ്.

ഒരു പ്രണയത്തിന്
മുഖം കൊടുക്കുകയെന്നത്
മുൻപെന്നോ പെയ്ത മഴയിൽ
നനഞ്ഞൊട്ടിയെന്നു
സ്വയം കരുതലാണ്.
നിലാവെന്നു കരുതി
ഉച്ചവെയിൽ
കോരിക്കുടിക്കലാണ്.

ഒരു പ്രണയത്തിന്
മുഖം കൊടുക്കുകയെന്നത്
വനഭംഗികളെ
കണ്ണുകളാൽ
തഴുകിത്തലോടി
ഒടുവിൽ
പാറക്കൂട്ടങ്ങൾക്കിടയിൽ
സ്വയം പ്രതിധ്വനിക്കുമ്പോൾ മാത്രം
ഉൾവനത്തിൽ ഒറ്റപ്പെട്ടെന്ന
തിരിച്ചറിവും ആണ്.
ഒരിക്കൽ മുറിച്ചുകടന്നതായി
തോന്നിയ നീലസമുദ്രം
ഇനിയും മുറിച്ചുകടക്കാമെന്ന
അമിതാവേശം പോലെയാണ്.

ഒരു പ്രണയത്തിന്
മുഖം കൊടുക്കുകയെന്നത്
ഇനി മുതൽ സ്വയം മറ്റൊരാളെന്ന് കരുതി
ആത്മാവുകൾ കെട്ടുപിണഞ്ഞ
വേരുകൾ കൊണ്ട്
ചിതയൊരുക്കലാണ്.
ഒറ്റക്കാവുന്ന വേളകളിൽ
പ്രപഞ്ചതാളം പോലും
നിലക്കുന്ന വിധം
ഒരേ വേഗതയിൽ മനസ്സുകൾ
കുതിരക്കുളമ്പടികളാ
വുകയെന്നതാണ്.

അതിനാൽ ഞാൻ
പേർത്തും പേർത്തും പറയുന്നു
ഒരു പ്രണയത്തിന്
മുഖം കൊടുക്കുകയെന്നത്
ഒരു പ്ലാസ്റ്റിക് ഗ്ലോബിനുള്ളിൽ
വായു ഊതിക്കയറ്റി
ഭൂമിയെ കൈപ്പിടിയിലൊതുക്കിയെന്ന്
സ്വയം അഹങ്കരിക്കൽ
തന്നെയാണെന്ന്.

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം), ഓൺലൈൻ/ പ്രിന്റ് മാധ്യമങ്ങളിലോ സോഷ്യൽ മീഡിയയിലോ പ്രസിദ്ധീകരിക്കാത്ത രചനകൾ അയക്കാൻ ശ്രദ്ധിക്കുമല്ലോ…! editor@athmaonline.in , WhatsApp : 9048906827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Related Articles

ഉപ്പയില്ലാത്ത ഞാൻ

ബഹിയ ഉപ്പയില്ലാതായതിൽ പിന്നെയാണ് ഞാൻ സ്വതന്ത്രയായത്. അടിക്കടി ഫോണിൽ വിളിച്ച് എവിടെയാണെന്നും എന്താണെന്നും ഇനിയെപ്പോളിങ്ങ് എത്തുമെന്നും ഇനിയാരും തിരക്കില്ലല്ലോ. വരാനിരിക്കുന്ന പരീക്ഷയെക്കുറിച്ച് നിത്യേനയെന്നോണം ഓർമ്മിപ്പിച്ച് സ്വന്തം കാലിൽ നിൽക്കാൻ ഇനിയാരും പ്രേരിപ്പിക്കില്ലല്ലോ. ചുവന്ന ജിലേബിയും പലഹാരങ്ങളും വാങ്ങിവെച്ച്, കാണുമ്പോഴെല്ലാം വഴക്കു പറഞ്ഞു കഴിപ്പിച്ച് ഇനിയാരുമൊരിക്കലും ഡയറ്റിങ്ങ് തെറ്റിക്കയുമുണ്ടാവില്ല. കാണണോരുടെ മുഴുവൻ പറച്ചിലിനുമപ്പുറം സ്വന്തം കാലുകൾക്കു പോലും...

ഉട്ങ്കല്ത്ത കുപ്പായം

ധന്യ വേങ്ങച്ചേരി ഭാഷ : മാവിലൻ തുളു ഇനി പഠിപ്പ്ക്ണത്ണ്ട് പണ്ട് ടീച്ചെറ് ചോക്കെറ്ത് ബോർഡ്ട്ട് ബരെയെനക തെരെമാലെ മാതിരി ബർത്തടങ്ക്ത് പോക് പുസ്തകം മക്ട്പ്പ്ക്ന കൂറ്റ് കാട്ട് മുല്ലെ തൈ അറ്കറ്കെ കൊള്ളി ച്മ്പ്ത് നിന്റിപ്പ്ക്ണ മാതിരി അ ള ,ഇ ള ,...

ആമ്പലും തത്തയും

മണിക്കുട്ടൻ ഇ കെ ആരോ ആത്മഹത്യ ചെയ്ത മുറിയിലാണ് ഞാനിപ്പോൾ. മുറിയിലെ പഴകിയ ചോരപ്പാടുകൾ, ഇരുട്ട്, അലർച്ചകൾ, എന്തൊക്കെയോ മണങ്ങൾ എല്ലാം ചേർന്ന് പേടിപ്പെടുത്തുന്നു. എത്ര കുതറിയിട്ടും ഉണരാനാവാതെ തളരുന്നു. ഒടുക്കം എല്ലാ കരുത്തും ആവാഹിച്ച ഒരലർച്ചയിൽ കൺതുറന്ന് കിതയ്ക്കുന്നു. ഉണർന്നത് രണ്ടാം സ്വപ്നത്തിലേക്കായിരുന്നു. നിറയെ ആമ്പലുകളുള്ള വയലോരം. അവൾ എന്നോട് ചേർന്നിരിക്കുന്നു. ആമ്പലിന്റെ മണം ഞങ്ങളെ മൂടുന്നു. സാരിയിൽ...

Leave a Reply

Stay Connected

14,715FansLike
18FollowersFollow
1,170SubscribersSubscribe

Latest Articles

error: Content is protected !!
WhatsApp chat