ഗ്ലോബൽ സിനിമ വാൾ
മുഹമ്മദ് സ്വാലിഹ്
Film: In the Mood for Love
Director: Wong Kar-wai
Year: 2000
Language: Cantonese
‘ഇതൊരു അശാന്തമായ നിമിഷമാണ്. അവള്‍ തല താഴ്ത്തി നിന്നു… അടുത്തുവരാന്‍ അയാള്‍ക്കൊരവസരം നല്‍കാനായി. പക്ഷേ, അയാള്‍ക്കതിനായില്ല, ഭയമായിരുന്നു. അവള്‍ തിരിഞ്ഞുനടക്കുന്നു.’
കഥ നടക്കുന്നത് 1960 കളിലാണ്. മാധ്യമപ്രവര്‍ത്തകനായ ചോ മോ-വാനും ഒരു കമ്പനിയിലെ സെക്രട്ടറിയായ സു ലി-ഷെന്നും തൊട്ടടുത്തുള്ള ഫ്‌ളാറ്റുകളിലേക്ക് താമസത്തിനെത്തുന്നു. ഇരുവരുടെയും പങ്കാളികള്‍ ഓവര്‍ടൈം ജോലി എന്നൊക്കെപ്പറഞ്ഞ് മിക്കപ്പോഴും സ്ഥലത്തുണ്ടാവാറില്ല. ഒറ്റക്കായിപ്പോകുന്ന ചോയും സുവും സുഹൃത്തുക്കളായി മാറുന്നു. ഇരുവരുടെയും പങ്കാളികള്‍ തമ്മില്‍ സ്‌നേഹബന്ധത്തിലാണ് എന്ന് തിരിച്ചറിയുന്നതോടെ അവര്‍ക്കിടയില്‍ സൗഹൃദത്തില്‍ കവിഞ്ഞ ഒരു അടുപ്പം ഉടലെടുക്കുന്നു. തുടര്‍ന്ന് അവര്‍ തമ്മിലുള്ള ബന്ധത്തിനുണ്ടാകുന്ന പുരോഗതികളാണ് സിനിമയുടെ കഥാതന്തു.
വോങ് കാര്‍-വായുടെ പ്രണയാവതരണത്തിന്റെ മനോഹാരിത തന്നെയാണ് സിനിമയുടെ ഏറ്റവും വലിയ പ്രത്യേകത. സ്ഥലമോ സമയമോ അനുകൂലമല്ലാത്തിടങ്ങളില്‍ പ്രണയമെങ്ങനെ സാക്ഷാത്കരിക്കപ്പെടുന്നു എന്ന ചോദ്യം, ധാര്‍മികതയോടുള്ള അതിന്റെ തീര്‍ത്തും ആഭ്യന്തരമായ കലഹം എന്നിവയൊക്കെ ഇന്‍ ദ മൂഡ് ഫോര്‍ ലവ് ചര്‍ച്ച ചെയ്യുന്ന വിഷയങ്ങളാണ്.
നേര്‍ത്തും തീക്ഷ്ണമായി, പശ്ചാത്തലത്തില്‍ മാറിമാറി അലയടിക്കുന്ന സംഗീതത്തിന്റെ പശ്ചാത്തലത്തില്‍ അവര്‍ കണ്ണുകളിലും കാതുകളിലും മാത്രം പ്രണയം കൈമാറുന്നു. പൂര്‍ണതയോ പര്യവസാനമോ ഇല്ലാതെ പ്രണയം സ്‌ക്രീനില്‍ നിന്നും പുറത്തേക്കിറങ്ങിവരുന്നു.
കണ്ടുനോക്കാം..
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.
