ഇന്ദ്രൻസിന് അന്താരാഷ്ട്ര പുരസ്കാരം

സിംഗപ്പൂര്‍ : സിംഗപ്പൂരില്‍ നടന്ന സൗത്ത് ഏഷ്യന്‍ ഫിലിം ഫെസ്റ്റിവലില്‍ മികച്ച നടനുള്ള പുരസ്‌കാരം ഇന്ദ്രന്‍സിന്. ഡോ.ബിജുവിന്റെ ‘വെയില്‍മരങ്ങള്‍’ എന്ന ചിത്രത്തിലെ അഭിനയത്തിനാണ് അംഗീകാരം. ഷാങ്ഹായി ചലച്ചിത്ര മേളയ്ക്ക് ശേഷം വെയില്‍മരങ്ങള്‍ക്ക് കിട്ടുന്ന അന്താരാഷ്ട്ര പുരസ്‌കാരമാണിത്. ഇന്ദ്രൻസിന് ലഭിക്കുന്ന ആദ്യ അന്താരാഷ്ട്ര പുരസ്കാരം കൂടിയാണ്. 
എപ്പോഴും വെയിലത്ത് നില്‍ക്കാന്‍ വിധിക്കപ്പെട്ട ചില മനുഷ്യരുടെ അതിജീവനത്തിന്റെയും പലായനത്തിന്റെയും കഥയാണ് വെയില്‍മരങ്ങള്‍ പറയുന്നത്. ചിത്രത്തിന്റെ കഥ, തിരക്കഥ, സംഭാഷണം ഒരുക്കിയത് ഡോ.ബിജു തന്നെയാണ്. 

Leave a Reply

Your email address will not be published. Required fields are marked *