Homeകവിതകൾതത്ത്വമസി

തത്ത്വമസി

Published on

spot_imgspot_img

അസൂയ തോന്നും വിധമാണ്
പലപ്പോഴും അവളുടെ ചലനങ്ങൾ
ചിലപ്പോൾ ഒന്നോ രണ്ടോ വയസായ
കുഞ്ഞിനെ പോലെ
ലോകത്തിന്റെ സകല വിസ്മയങ്ങളും
അവളുടെ കണ്ണിൽ
വിരിയിച്ചെടുക്കുന്നതു കാണാം.
അപ്പോഴൊക്കെ പിടിച്ചു
മടിയിലിരുത്താൻ തോന്നും.
തൊട്ടടുത്ത നിമിഷം
ഭാരങ്ങൾ ഏതുമില്ലാതെ
പറന്നുപോവുന്നത്
കാണുമ്പോൾ പിടിച്ചു
കിണറ്റിലിടാൻ തോന്നും.
ചിലപ്പോഴാകട്ടെ
കവിതകളുടെ വൈകുന്നേരങ്ങളിൽ
കാറ്റു കൊള്ളുന്നതു കാണുമ്പോൾ
ആൾക്കൂട്ടത്തിൽ നിന്നാരെങ്കിലും
കല്ലെറിഞ്ഞെങ്കിലെന്ന് കൊതിക്കും.
പരിചയക്കാരെ
കണ്ടുമുട്ടുമ്പോഴൊക്കെ
കൊഞ്ചുന്നത് കാണുമ്പോൾ
കൈയും തലയും പുറത്തിടരുതെന്ന
ബോർഡ്‌ എടുത്ത്
മുന്നിൽ വെച്ച് കൊടുക്കാൻ തോന്നും.
ഇപ്പോൾ
വലത്തോട്ടെക്ക്
തിരിയുമെന്നു തോന്നുന്ന മാത്രയിൽ
ഇടത്തോട്ടെക്ക് മാത്രം പോയവൾ ഞെട്ടിക്കുമ്പോൾ
ഇത്രക്ക് അഹങ്കാരമോ
എന്ന് കണ്ണ് കടിക്കും.
പ്രണയിക്കുന്നത് കാണുമ്പോഴാകട്ടെ
വായിച്ചു തീരാത്ത ഏതോ
പ്രിയപ്പെട്ട പുസ്തകമെന്നതുപോലെ
തട്ടിപ്പറിച്ചു സ്വന്തമാക്കാൻ തോന്നും.

ഒരു കാര്യവുമില്ലാതെ
മുറിവുകളിൽ മരുന്നാകുന്നത്
കാണുമ്പോൾ പാവം തോന്നും.
സൂചിയും നൂലും കോർത്തുവെച്ചു
അകന്നുപോയതിനെയൊക്കെ
കൂട്ടിതുന്നുന്നതു കാണുമ്പോൾ
കെട്ടിപ്പിടിക്കാൻ തോന്നും.
ചിലപ്പോഴാകട്ടെ തികച്ചും
ശൂന്യത നിറച്ച്
ഞൊറികളില്ലാത്തൊരു
പാവാട വട്ടത്തിനുള്ളിൽ
കൂനികൂടിയിരുന്ന്
കണ്ണ് നിറക്കുന്നത് കാണാം.
അപ്പോഴൊക്കെ
അയ്യയ്യേ എന്ന് കളിയാക്കാൻ തോന്നും
എണീറ്റു പോടീന്ന്
ചെവിക്ക് പിടിക്കാൻ തോന്നും.
പിന്നെയും കുറേ
അന്വേഷിച്ചപ്പോഴാണറിഞ്ഞത്
ഓന്തിന്റെ ജന്മമാണെന്ന്
ഓന്തെന്തിനാണ്
നിറംമാറുന്നതെന്ന്
നന്നായി അറിയാമെങ്കിലും
വൃത്തികെട്ടതെന്ന് ഞാനും പറഞ്ഞു.
എന്നിട്ടും എന്തിനാവോ
ഇടക്കൊക്കെ
ഇടക്കൊക്കെ മാത്രം
കണ്ണാടിക്ക് മുന്നിൽ
വിളിച്ചുവരുത്തി
ഞാൻ മിണ്ടാറുണ്ട്
കുറേ മിണ്ടുമ്പോൾ
അവൾക്കൊരു നിറമേ
ഉണ്ടായിരുന്നുള്ളൂ
എന്നെനിക്ക് മനസിലാവും.
പിന്നെ മനസ്സിൽ പിടിച്ചവിടെ ഇരുത്തും.
കൈക്കുമ്പിളിൽ മുഖം
വാരിയെടുത്തു തുരുതുരെ
ഉമ്മവെക്കുമ്പോൾ അവൾക്ക്
ശ്വാസം മുട്ടുന്നുണ്ടോ
എന്നുപോലും
ഞാൻ നോക്കാറില്ല….

ആതിര ആർ
മലയാളം ഗവേഷക
ഗവ. ബ്രണ്ണൻകോളേജ്, ധർമടം


ആത്മ ഓൺലൈനിലേക്ക് നിങ്ങൾക്കും കവിതകൾ അയക്കാം:
(ഫോട്ടോയും ഫോണ്‍ നമ്പറും സഹിതം)
editor@athmaonline.in

spot_img

LEAVE A REPLY

Please enter your comment!
Please enter your name here

Latest articles

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...

കുസ്റ്റോറിക്കയുടെ അരയന്നങ്ങള്‍

ആത്മാവിന്റെ പരിഭാഷകൾ (സിനിമ കവിത, സംഗീതം) part 2 ഭാഗം 41 ഡോ. രോഷ്നി സ്വപ്ന   ഡോ. രോഷ്നി സ്വപ്ന 'പുഴയൊഴുകിയ വഴിനോക്കി തോണിക്കാരനിരിക്കുന്നു. പക്ഷിയുടെ നെഞ്ചു പോലെ അത്ര മൃദുലമായ് അവന്റെ...

More like this

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...