pullingam-sangeeth-soman-athmaonline

പുല്ലിംഗം

സംഗീത് സോമൻ 

ഒരുപാട് തിരഞ്ഞു നടക്കേണ്ടി വരും
എന്നൊക്കെ വിചാരിച്ചാണ് അവൾ ഇറങ്ങി തിരിച്ചത്… 

പക്ഷെ കാര്യങ്ങൾ ഒക്കെ  വിചാരിച്ചതിലും എളുപ്പം നടന്നു..
കോണ്ടാക്ട് നമ്പർ കിട്ടി വിളിച്ചു സ്ഥലം പറഞ്ഞു.
അവളുടെ ഡിമാന്റുകൾ ഇവയായിരുന്നു… 

“പരമമായ സ്വാതന്ത്ര്യം എനിക്കായിരിക്കും
എന്റെ ഇഷ്ട്ടം പോലെ കാര്യങ്ങൾ നടക്കണം…
അങ്ങനെ നടന്നാൽ വില എത്രയെന്ന്
നിങ്ങൾക്ക് തീരുമാനിക്കാം “. 

ഇടപാട് ഉറപ്പിച്ചു, നാളെ രാത്രി ആളെത്തും…
പതിവിലും നന്നായി അവൾ അന്നുറങ്ങി..
രാത്രി 9 ന് ശേഷം വന്നാൽ മതി എന്നു പറഞ്ഞിട്ടുണ്ട്…
അതനുസരിച്ച് 
ആളെത്തി.. 

പെണ്ണായിരുന്നേൽ വിളിക്കാൻ
പേര് ഒരുപാട് ഉണ്ടായിരുന്നു..
വേശ്യ.. തേവിടിശ്ശി… 
കൂത്തിച്ചി…
ഇതിപ്പോ എന്തു വിളിക്കും… 

അല്ലേൽ ഇപ്പൊ എന്തോ വിളിച്ചാലെന്താ…
കൊടുത്ത പണം മൊതലായാൽ പോരെ…
മുഖത്തേക്ക് വരെ നോക്കാൻ പോയില്ല… 

അവളിൽ നിന്നും ഉയർന്ന നേടുവീർപ്പും ഞെരക്കങ്ങളും
ഒക്കെ അവനെ തൃപ്തിപ്പെടുത്തി കാണും…
പക്ഷെ അവളിലെ ഗൂഢ സംതൃപ്തിയുടെ മൂർച്ചയായിരുന്നു
അതെന്ന് അവനറിയുന്നില്ലെല്ലോ…. 

പെട്ടെന്നാണ് പുറത്ത് കതകിൽ  മുട്ടുന്നതും
ആക്രോശവും കേട്ടത്…

അവന്റെ മുഖമാകെ മാറി
വിളറി പോയിരിക്കുന്നു… 

അവളുടെ മുഖത്ത് സർവവും
നേടിയവളുടെ ഭാവമായിരുന്നു… നാളെ വാർത്ത വരും…

ആൺ‌വാണിഭത്തെ… കുറിച്ച്..
ഞാൻ ഇവന്റെ ശരീരത്തിന് വിലയിട്ടു
ഭോഗിച്ചു എന്ന്‌ ലോകം അറിയട്ടെ… 

വാതിൽ ചവിട്ടി തുറന്നു കയറി വന്ന ആൾക്കൂട്ടം..

വിളിച്ചത് കേട്ടു പരിചയം ഉള്ള വാക്കുകൾ തന്നെ ആയിരിന്നു..
കൂത്തിച്ചിയിൽ തുടങ്ങി പൊലയാടി മോൾ വരെ… 

അതിനിടക്ക് അവൾ കേട്ടു… 

“മുൻപ് ഇവിടൊന്നും കണ്ടിട്ടില്ല
ഇതേത് ഈ പുതിയ ചരക്ക്..
അവൻ ഏതോ ഉള്ള വീട്ടിലെയാ…
അവനൊക്കെ.. സ്വന്തം കെട്ടിയോളെ..
ഉണ്ടാക്കാൻ പോയാ പോരെ…
ദേഹം വിൽക്കുന്നവളുമാരുടെ
കൂടെ പോയാ ഇങ്ങനെ ഇരിക്കും… ”  

തെറി വിളികൾക്കും കൂകി വിളികൾക്കും
ഇടയിലൂടെ നടന്നു പോകുമ്പോൾ,

വേശ്യക്കും കന്യകക്കും…
ഒന്നും പുല്ലിംഗങ്ങൾ  തേടി ഇനി പോകേണ്ടതില്ലെല്ലോ…
എന്നോർത്ത് അവൾ സമാധാനിച്ചു….

pullingam-illustration-sujeesh-surendran-athmaonline
വര : സുജീഷ് സുരേന്ദ്രൻ

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം:
(ഫോട്ടോയും ഫോണ്‍ നമ്പറും സഹിതം)
editor@athmaonline.in, 9048906827

Leave a Reply

Your email address will not be published. Required fields are marked *