Thursday, June 24, 2021

മുൾവേലികൾ പൂക്കട്ടെ

യഹിയാ മുഹമ്മദ്

ഒരു മതിലിന്റെ അപ്പുറവും ഇപ്പുറവും നിന്ന് പ്രണയിക്കുന്ന പോലെ
ആയാസകരമാവണമെന്നില്ല
ഒരു മുൾവേലിയുടെ ഇരുവശങ്ങളിരുന്ന് പ്രണയിക്കുന്നത്.

മുൾവേലികൾ ശബ്ദിക്കുന്നത് നിങ്ങൾ കേട്ടിട്ടുണ്ടോ?
തോക്കുകളുടെ ശബ്ദത്തിൽ അവ സംവദിക്കുന്നത്.

അവർ പരസ്പരം ചുംബിക്കാനൊരുങ്ങുമ്പോൾ
വേലികൾ പെരുമ്പാമ്പായി ചുറ്റിവരിയുകയും
കൈകാലുകൾ ബന്ധിച്ചിടുകയും ചെയ്യുന്നു.

അവിടെ അവർക്കു വേണ്ടി പാടാൻ ഒരു കുയിലോ
തണൽ വിരിക്കാൻ ഗുൽമോഹറോ
കുളിരേകാൻ ഒരു അരുവിയോ കാണണമെന്നില്ല.

കത്തിജ്വലിക്കുന്ന സൂര്യനു ചുവട്ടിൽ
നിലനിൽപ്പിനു വേണ്ടിയുള്ള സമരത്തിലായിരിക്കും
അവർ രണ്ടു പേരും.

എന്നെങ്കിലും ജ്വലിക്കാവുന്ന ഒരു അഗ്നിക്ക് വേണ്ടി
ചുള്ളിക്കമ്പുകൾ ഒടിച്ചു വെക്കുന്ന
തിരക്കിട്ടജോലിയിലായിരിക്കും അവർ.

അവരുതന്നെ അവർക്ക് ചാവേറുകളാണ്
ഒരിക്കൽ എന്നിൽ വന്ന്
അവൾ
പെട്ടിത്തെറിക്കുമോ എന്ന് അവനും
അവൻ വന്ന് പൊട്ടിത്തെറിക്കുമോ എന്ന് അവളും
ഭയത്തിന്റെ ഒരു മഞ്ഞു പടലം
ഉള്ളിൽ പുതച്ചിട്ടുണ്ടാവും

അടുത്ത ഗ്രാമത്തിൽ നിന്നും
വെള്ളമെടുക്കാൻ കുടങ്ങളുമായി അവൾ വരും
ആട്ടിൻ പറ്റങ്ങളെ തെളിച്ച് അവനും
ആടുകൾക്കവൾ
വെള്ളം കൊടുക്കും
അവൻ ആടിനെ കറന്നെടുക്കും.
കൈയിൽ കരുതിയ റൊട്ടിയിൽ നിന്നവർ
പകുത്തെടുത്ത് ഭക്ഷിക്കും

ഒരിക്കൽ കറുത്ത ബുർഖയ്ക്കുള്ളിൽ
അവനെയും ഒളിപ്പിച്ചു കൊണ്ടവൾ
കടന്നുകളയും

അന്ന്
ആകാശങ്ങളിൽ നിന്ന്
തീമഴ പെയ്യും.
അതിർത്തികളിലെ
വെടിയൊച്ചകളെ ഭേദിച്ച്
ഇടിമുഴക്കങ്ങൾ
മിന്നലുകൾക്കൊപ്പം പിഴുതെറിയും
പിന്നാലെ
പെയ്തിറങ്ങിയ പേമാരിയിൽ
മുൾവേലിക്കൾ പൂത്തു തുടങ്ങും…

യഹിയാ മുഹമ്മദ്

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം), ഓൺലൈൻ/ പ്രിന്റ് മാധ്യമങ്ങളിലോ സോഷ്യൽ മീഡിയയിലോ പ്രസിദ്ധീകരിക്കാത്ത രചനകൾ അയക്കാൻ ശ്രദ്ധിക്കുമല്ലോ…! editor@athmaonline.in , WhatsApp : 9048906827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Related Articles

ഉപ്പയില്ലാത്ത ഞാൻ

ബഹിയ ഉപ്പയില്ലാതായതിൽ പിന്നെയാണ് ഞാൻ സ്വതന്ത്രയായത്. അടിക്കടി ഫോണിൽ വിളിച്ച് എവിടെയാണെന്നും എന്താണെന്നും ഇനിയെപ്പോളിങ്ങ് എത്തുമെന്നും ഇനിയാരും തിരക്കില്ലല്ലോ. വരാനിരിക്കുന്ന പരീക്ഷയെക്കുറിച്ച് നിത്യേനയെന്നോണം ഓർമ്മിപ്പിച്ച് സ്വന്തം കാലിൽ നിൽക്കാൻ ഇനിയാരും പ്രേരിപ്പിക്കില്ലല്ലോ. ചുവന്ന ജിലേബിയും പലഹാരങ്ങളും വാങ്ങിവെച്ച്, കാണുമ്പോഴെല്ലാം വഴക്കു പറഞ്ഞു കഴിപ്പിച്ച് ഇനിയാരുമൊരിക്കലും ഡയറ്റിങ്ങ് തെറ്റിക്കയുമുണ്ടാവില്ല. കാണണോരുടെ മുഴുവൻ പറച്ചിലിനുമപ്പുറം സ്വന്തം കാലുകൾക്കു പോലും...

ഉട്ങ്കല്ത്ത കുപ്പായം

ധന്യ വേങ്ങച്ചേരി ഭാഷ : മാവിലൻ തുളു ഇനി പഠിപ്പ്ക്ണത്ണ്ട് പണ്ട് ടീച്ചെറ് ചോക്കെറ്ത് ബോർഡ്ട്ട് ബരെയെനക തെരെമാലെ മാതിരി ബർത്തടങ്ക്ത് പോക് പുസ്തകം മക്ട്പ്പ്ക്ന കൂറ്റ് കാട്ട് മുല്ലെ തൈ അറ്കറ്കെ കൊള്ളി ച്മ്പ്ത് നിന്റിപ്പ്ക്ണ മാതിരി അ ള ,ഇ ള ,...

ആമ്പലും തത്തയും

മണിക്കുട്ടൻ ഇ കെ ആരോ ആത്മഹത്യ ചെയ്ത മുറിയിലാണ് ഞാനിപ്പോൾ. മുറിയിലെ പഴകിയ ചോരപ്പാടുകൾ, ഇരുട്ട്, അലർച്ചകൾ, എന്തൊക്കെയോ മണങ്ങൾ എല്ലാം ചേർന്ന് പേടിപ്പെടുത്തുന്നു. എത്ര കുതറിയിട്ടും ഉണരാനാവാതെ തളരുന്നു. ഒടുക്കം എല്ലാ കരുത്തും ആവാഹിച്ച ഒരലർച്ചയിൽ കൺതുറന്ന് കിതയ്ക്കുന്നു. ഉണർന്നത് രണ്ടാം സ്വപ്നത്തിലേക്കായിരുന്നു. നിറയെ ആമ്പലുകളുള്ള വയലോരം. അവൾ എന്നോട് ചേർന്നിരിക്കുന്നു. ആമ്പലിന്റെ മണം ഞങ്ങളെ മൂടുന്നു. സാരിയിൽ...

Leave a Reply

Stay Connected

14,715FansLike
18FollowersFollow
1,170SubscribersSubscribe

Latest Articles

error: Content is protected !!
WhatsApp chat