Thursday, September 24, 2020
Home സാഹിത്യം കവിതകൾ മരിച്ചവനെ ഇപ്പോൾ കാണുന്നു

മരിച്ചവനെ ഇപ്പോൾ കാണുന്നു

കവിത

മുനീർ അഗ്രഗാമി

മരിച്ചവനെ ഇപ്പോൾ കാണുന്നു
അവൻ ജീവിച്ചതിലും ഭംഗിയായി
ജീവിച്ചു എന്നു തോന്നുന്ന ഒരിടത്ത്.

അവൻ
വാക്കുകൾ വാരിയെറിഞ്ഞ
ഇടങ്ങളോരോന്നും
ഇവിടേക്ക് നടന്നു വരുന്ന
കേന്ദ്രത്തിൽ അവനിരിക്കുന്നു

അവൻ
അണിഞ്ഞ മുൾക്കിരീടം
വേനൽ എരിച്ചു കളയുന്നു

അവൻ കലഹിച്ച വേനലുകൾ
മരണത്തിന്റെ മഴ കൊണ്ടുപോവുന്നു

അവനെവിടെയെന്ന്
തിരക്കാത്ത
കൂട്ടുകാരിൽ
അവനുണ്ടെന്ന പ്രതീതി
വലുതായി ,
ഒരു ദേശമായി വളരുന്നു

പുതിയൊരുട്ടോപ്യ
പുതിയൊരു നിഴൽ
പുതിയൊരു ജലരേഖ

വെളിച്ചത്തിൽ കണ്ടതൊന്നും
നിഴലിലില്ല
ചില അനക്കങ്ങൾ മാത്രം

വെളിച്ചം കാണാത്ത കുട്ടികൾ
നിഴലിനെ വെളിച്ചമായ്
തെറ്റിദ്ധരിച്ചേക്കും

മരിച്ചവനെ ഇപ്പോൾ കാണുന്നു
അവൻ കയറാത്ത
കുതിരപ്പുറത്ത്.

ഈ ലിങ്കിൽ ക്ലിക്ക് ചെയ്ത് ആത്മ ഓൺലൈൻ യുട്യൂബ് ചാനൽ സബ്സ്ക്രൈബ് ചെയ്യൂ…

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

google-play-logo

Leave a Reply

Most Popular

ഓർമ്മച്ചുരങ്ങളുടെ ചൂടും തണുപ്പും

സുരേഷ് നാരായണൻ ഓർമ്മകൾ പലതരമുണ്ട്. മഴ നനഞ്ഞതു മുതൽ മന്ത്രകോടി കൊടുത്തതു വരെ. മറവിക്കു പണയം വെച്ചതുമുതൽ മരണത്തിനു ബലിയിട്ടതു വരെ. ബത്തേരിയുടെ മാനസപുത്രനായ അർഷാദ് ബത്തേരി നമ്മെ ക്ഷണിക്കുകയാണ് ഓർമ്മച്ചുരങ്ങളുടെ ഒളിത്തണുപ്പുകളിലേക്ക്! ചുരംകയറുകയാണ് ഇറങ്ങുകയാണ് എന്ന...

ആരവങ്ങളില്ലാതെ- അകലങ്ങളിൽ സമാന്തര എൽ.എൻ.വി ഓൺലൈൻ യുവജനോത്സവം

കോവിഡ് മഹാമാരിയുടെ പശ്ചാത്തലത്തിൽ മുടങ്ങിക്കിടക്കുന്ന സ്കൂൾ യുവജനോത്സവത്തിന് ബദൽ സാധ്യതകൾ തേടുകയാണ് നാടക പ്രവർത്തകുടെ ആഗോള ഓൺലൈൻ കൂട്ടായ്മയായ ലോക നാടക വാർത്തകൾ. ഒക്ടോബർ, നവംബർ, ഡിസംബർ മാസങ്ങളിൽ റിഥം ഹൗസ് പെർഫോർമിങ്ങ്...

രമണി

കവിത മാനസി പി.കെ രമണിയെ വീണ്ടും കാട്ടിനുള്ളിൽ കണ്ടത്രേ. ഇത്തവണ കൊള്ളി പെറുക്കാൻ പോയ ശാന്തയാണ് രമണിയെ കണ്ടത്. പനമരത്തിന്റെ താഴെ രമണിയും, നരുന്ത് പോലൊരു ചെക്കനും. ലേശം മുരിമ ഇണ്ടെങ്കിൽ പൊരൻ്റുള്ളിൽ കൊണ്ടോകെടീ പൊലയാടിച്ചി മോളേന്ന് ശാന്ത കാർക്കിച്ചു തുപ്പി. പൊരന്റുള്ളിലിത്ര കാറ്റും, വെളിച്ചോം കിട്ടൂല ശാന്തേന്ന്...

ആയിരം പാഡിന് അരക്കപ്പ്

ആയിഷ ബഷീർ "ഡീ എന്റെ ബാക്ക് ഓക്കേയാണോ " ചോദ്യം കേട്ട് നടുവിന് വല്ലതും പറ്റിപ്പോയിട്ടാണോ എന്ന് സംശയിക്കല്ലേ.... ഇത് പെണ്ണുങ്ങൾക്ക് മാത്രം മറുപടി ആവശ്യമായി വരുന്ന ഒട്ടും കംഫോർട്ടബ്ൾ അല്ലാത്തൊരു ചോദ്യമാണ്. സ്കൂളിൽ, വീട്ടിൽ, തൊഴിലിടങ്ങളിൽ, യാത്രയിൽ,...
%d bloggers like this: