Homeകവിതകൾനമുക്കിടയിലെ കാപ്പി നേരങ്ങൾ

നമുക്കിടയിലെ കാപ്പി നേരങ്ങൾ

Published on

spot_imgspot_img

മെഹ്ഫിൽ

അത്രമേൽ
അശാന്തമായൊരു
പകലൊടുക്കത്തിൽ
ഒരു കപ്പ് കാപ്പിനേരം മാത്രം
നിന്നിൽ നിന്ന് ഞാൻ
ചോദിച്ചു വാങ്ങും.

അകലങ്ങളിൽ പൂത്തുനിൽക്കുന്ന
ജക്കരാന്തപ്പൂവുകളുടെ
മണം തിരഞ്ഞ് നിന്റെ
മനസ്സപ്പോൾ അലയുന്നുണ്ടാവും.

കനവുകളിൽ
വിരഹം വിതച്ച്
വിഷാദത്തിന്റെ
ഗസൽ മൂളുന്ന
ഉപ്പുണങ്ങാത്ത നോവായിരിക്കും
അന്ന് നമുക്കിടയിലെ
വർത്തമാനങ്ങൾ.

വന്യമായ വനസ്ഥലികളിലാഞ്ഞു വീശുന്ന
ആന്ധിയുടെ അലമുറപ്പാച്ചിലുകൾ
നമ്മുടെ ഉള്ളുലകളിലുമുണ്ടെന്ന്
കണ്ണുകളപ്പോൾ നമ്മോട് പറയുന്നുണ്ടാവും.

വാക്കുകൾ ശൂന്യമാവുന്ന നേരങ്ങളിൽ
പുകഞ്ഞു തീരാത്ത
സിഗരറ്റ് ചുരുളുകൾക്കുള്ളിൽ
ഞാൻ എന്നെത്തന്നെ തളച്ചിടും.

അണയാതെയെരിയുന്ന
മെഴുതിരിനാളങ്ങളിൽ
ആശയോടെയെത്തി
ആത്മാഹുതി ചെയ്യുന്ന
ഈയ്യാമ്പലുകളെ നോക്കി
നീയുമപ്പോൾ നിശ്ശബ്ദയാവും.

മങ്ങി കത്തുന്ന
നിയോൺ ബൾബുകളുടെ
മഞ്ഞ വെളിച്ചത്തിൽ
കൊക്കുരുമ്മി പ്രണയിക്കുന്ന
ഇണപ്രാവുകളിൽ
നമ്മുടെ കണ്ണുടക്കും.

എന്റെ കൈത്തണ്ടയിലേക്ക്
നിന്റെ എല്ലിച്ച വിരൽത്തുമ്പുകൾ ചേർത്തുവയ്ക്കാൻ ശ്രമിച്ച്
അപ്പോഴും നീ പരാജയപ്പെടുന്നുണ്ടാവും.

ചുംബനങ്ങളാത്മഹത്യ ചെയ്ത
നമ്മുടെ ചുണ്ടുകൾക്കിടയിൽ വിറകൊണ്ട് വാക്കുകൾ
വെറുതെ വിതുമ്പുന്നുണ്ടാവും.

ആഴങ്ങളൊളുപ്പിച്ച അപരനോട്ടങ്ങളിൽ മിഴിയുണക്കി നമ്മൾ
പിന്നെയും പിന്നെയും വേവലാതിപ്പെടുന്നുണ്ടാവും

നോവിന്റെ ശവമഞ്ചം തീർത്ത
ഓർമ്മക്കുഴലുകളിൽപ്പെട്ട്
നാമങ്ങനെ ഉഴറിപ്പായും.

അന്നേരങ്ങളിലെല്ലാം
വിദൂരതകളിൽ തനിച്ചായിപ്പോയൊരു പടുകിഴവനിൽ ഞാനെന്റെ
നോട്ടങ്ങളൊളുപ്പിച്ചുവയ്ക്കും.

അയാളുടെ പാമ്പിഴഞ്ഞുനീറിയ നെറ്റിത്തടങ്ങളും
ഇതൾക്കൊഴിഞ്ഞ കണ്ണിമകളും
വെയിലസ്തമിച്ച ആത്മാവും
എന്റെയുള്ളിലൊരു കടലിനെ വരച്ചുവയ്ക്കും.

സങ്കടങ്ങളുടെയാപ്പെരുംകടൽ
മുറിച്ചുകടക്കാനാവാതെ
കപ്പൽച്ചേതം വന്ന നാവികനെപ്പോലെ
നിസ്സഹായതയോടെ ഞാൻ മടങ്ങും.

ദൂരെയാരോ പാടുന്ന അലസഗാനങ്ങളിലെ
അവസാനവരികളിൽ
ചെവി ചേർത്തുവച്ച്
നാം പകച്ചുനിൽക്കും.

പൊടുന്നനെ
ഉറകൂടുന്നൊരു
കടൽ ചുഴിയിലേക്കാഴ്ന്നു പോകവേ
അകലങ്ങളെ
അറുത്തെറിഞ്ഞു
അഗാധങ്ങളിൽ
നാമൊന്നുചേരും

ഒടുവിൽ
ഒന്നും മിണ്ടാതെ
ഒന്നും പറയാതെ
നേർത്തൊരു ചിരി മാത്രം
ബാക്കിവച്ച്
നമ്മൾ പിരിഞ്ഞുപോകും

ചൂടുവറ്റിയ കാപ്പിക്കോപ്പയിൽ
ജീവൻവെടിഞ്ഞ ഈച്ചയെപ്പൊതിഞ്ഞ്
ഉറുമ്പുകൾ വട്ടം ചുറ്റുന്നുണ്ടാവും

കാലങ്ങൾക്കിപ്പുറം
പ്രണയത്തിന്റെ മലകയറിയിറങ്ങുന്നവർക്ക്
പാതിയിൽ ഉപേക്ഷിക്കപ്പെട്ട
ഒരു കാപ്പിക്കപ്പ് മാത്രം
അടയാളമായവിടെ അവശേഷിക്കും…

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം), ഓൺലൈൻ/ പ്രിന്റ് മാധ്യമങ്ങളിലോ സോഷ്യൽ മീഡിയയിലോ പ്രസിദ്ധീകരിക്കാത്ത രചനകൾ അയക്കാൻ ശ്രദ്ധിക്കുമല്ലോ…! editor@athmaonline.in , WhatsApp : 9048906827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

LEAVE A REPLY

Please enter your comment!
Please enter your name here

Latest articles

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...

കുസ്റ്റോറിക്കയുടെ അരയന്നങ്ങള്‍

ആത്മാവിന്റെ പരിഭാഷകൾ (സിനിമ കവിത, സംഗീതം) part 2 ഭാഗം 41 ഡോ. രോഷ്നി സ്വപ്ന   ഡോ. രോഷ്നി സ്വപ്ന 'പുഴയൊഴുകിയ വഴിനോക്കി തോണിക്കാരനിരിക്കുന്നു. പക്ഷിയുടെ നെഞ്ചു പോലെ അത്ര മൃദുലമായ് അവന്റെ...

More like this

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...