Sunday, August 7, 2022

ദേശീയ ലോക്‌രംഗ് ഫെസ്റ്റിൽ കേരളത്തിന്റെ മികവിന് അംഗീകാരം

തിരുവനന്തപുരം: രാജസ്ഥാൻ സർക്കാർ ജയ്പൂരിൽ ഒരുക്കിയ ദേശീയ ലോക്‌രംഗ് ഫെസ്റ്റിവലിൽ കേരള സർക്കാരിന്റെ സാംസ്കാരിക വിനിമയ കേന്ദ്രമായ ഭാരത് ഭവന് അംഗീകാരം. ഇന്ത്യൻ സംസ്ഥാനങ്ങളിലെ വൈവിധ്യമാർന്ന കലാരൂപങ്ങൾ അവതരിപ്പിക്കപ്പെട്ട ഫെസ്റ്റിവലിൽ 22 ഓളം പേർ അടങ്ങുന്ന കലാസംഘം അവതരിപ്പിച്ച അവതരണങ്ങൾ ശ്രദ്ധേയമായി. സമാപനദിനത്തിൽ സംവിധായകൻ പ്രമോദ് പയ്യന്നൂർ രൂപകല്പന ചെയ്ത ‘നാനാത്വത്തിൽ ഏകത്വം’ എന്ന ദൃശ്യവിരുന്നും പ്രേക്ഷകർക്ക് വേറിട്ട അനുഭവം സമ്മാനിച്ചു. ജയ്പൂർ ജവഹർ കലാകേന്ദ്രയിൽ നടന്ന ഫെസ്റ്റിവലിൽ കേരളത്തെ പ്രതിനിധീകരിച്ചെത്തിയ ഭാരത് ഭവന് വേണ്ടി മെമ്പർ സെക്രട്ടറി പ്രമോദ് പയ്യന്നൂർ ഡയറക്ടർ ജനറൽ ഡോ. അനുരാധ ഘോഗിയയിൽ നിന്ന് ആദരം ഏറ്റുവാങ്ങി. വിഖ്യാത ചിത്രകാരൻ പത്മശ്രീ. എസ്. സാക്കീർ അലി, അഡ്മിനിസ്ട്രേറ്റീവ് ഓഫീസർ രാംപാൽ കുമാവന്ദ്, ഭാരത് ഭവൻ നിർവ്വാഹക സമിതി അംഗം റോബിൻ സേവ്യർ തുടങ്ങിയവർ ചടങ്ങിൽ സന്നിഹിതരായിരുന്നു.

Bharath-Bhavan
ദേശീയ ലോക്‌രംഗ് ഫെസ്റ്റിൽ കേരളം ഒരുക്കിയ നാനാത്വത്തിൽ ഏകത്വം എന്ന ഫിനാലെയിൽ നിന്ന് ഒരു ദൃശ്യം
lokrang fest image 01
കേരളത്തിനുള്ള ആദരം ഡോ. അരുനാധ ഘോഗിയയിൽ നിന്ന് ഭാരത് ഭവൻ മെമ്പർ സെക്രട്ടറി പ്രമോദ് പയ്യന്നൂർ ഏറ്റുവാങ്ങുന്നു. സമീപം പത്മശ്രീ. എസ്. ഷാബിർ അലി
spot_img

Related Articles

രാക്കവിതക്കൂട്ടം, ഒന്നാം വാർഷികാഘോഷവും പുസ്തക പ്രകാശനവും

രാക്കവിതക്കൂട്ടത്തിന്റെ ഒന്നാം വാർഷിക ആഘോഷവും, ഒപ്പം 67 കവികളുടെ കവിതകൾ അടങ്ങിയ കവിതാ സമാഹാരത്തിന്റെ പ്രകാശനവും നാളെ ( ജൂൺ 12) നടക്കും. കേരള സാഹിത്യ അക്കാദമി ഹാളിൽ നടക്കുന്ന പരിപാടിയ്ക്ക് അനുബന്ധമായി...

പ്രാണയുടെ ഔപചാരിക ഉദ്ഘാടനം മെയ് 30 ന്

കേളിയൊരുക്കാൻ കലയിലെ അതികായർ പത്മശ്രീ മട്ടന്നൂർ ശങ്കരൻകുട്ടി മാരാർ മുഖ്യ രക്ഷാധികാരിയും മോഹിനിയാട്ട നർത്തകി ശ്രീമതി മണിമേഖല മാനേജിംഗ് ട്രസ്റ്റിയുമായുള്ള, പ്രാണ അക്കാഡമി ഓഫ് പെർഫോമിംഗ് ആർട്സ് ട്രസ്റ്റ്ന്റെ ഔപചാരിക ഉദ്ഘാടനം മെയ് 30...

കൂടല്ലൂർ ചിത്രങ്ങൾ

കെ എസ് കൃഷ്ണകുമാർ ഇന്ന് കൂടല്ലൂരായിരുന്നു. എം.ടി. വാസുദേവൻ നായരുടെ കൂടല്ലൂരിൽ. എന്തിനു പോയി എന്നത് ഒരു ചോദ്യമാണ്. വെറുതെ എന്നത് അതിന്റെ  ഉത്തരവും. യാത്ര  ഒരു അത്ഭുത ഔഷധമാണ്. എല്ലാ അർത്ഥത്തിലും മനുഷ്യനെ...
spot_img

Latest Articles