Sunday, August 7, 2022

വേട്ടക്കാരും ‘മാംസഗന്ധി’കളും.

കവിത
നിമ.ആർ.നാഥ്‌ 

തെഴുത്ത ഇലകൾക്കുള്ളിൽ
തിള പൊട്ടും രക്തം.
ത്രസിക്കും മഞ്ഞ ഞരമ്പുകൾ .
വിണ്ടർന്നാൽ, കുതിച്ചു പൊന്തും
ചോരച്ചാലുകൾ .
ഉടനുതിരും പച്ചമാംസഗന്ധം.

കറുപ്പ് തുടിക്കും മുഴുത്ത ശിഖരങ്ങൾ.
യന്ത്രമുനകളുരുകും ഉഷ്ണലാവ.
തോൽ ചീന്തിയാൽ അസ്ഥിതിളക്കം .
നൊടിനേരത്താൽ ചുനയിടും,
കൊഴുത്ത ഉടൽ സ്രവങ്ങൾ.

വെട്ടം ചേർന്നാൽ പിരിഞ്ഞു പാർക്കും
ചുമപ്പ് മണ്ണ്.
ഇരുട്ട് പെരുത്താൽ  കാൽ പൂന്തും
പശിമയാഴങ്ങൾ.
അരനിമിഷത്തിനാൽ നിലം കുതിർന്നിടിയും ,
പടരും വിയർപ്പിൻ  ചുഴികൾ.
പൊതിഞ്ഞു മൂടും നെയ്യിൻ സ്തരങ്ങൾ.

ഒത്ത നടുവിൽ  അതിദ്രുതം
പച്ചിക്കുമൊരൊറ്റയാൽ .
വേരുകൾ ചുറ്റിപിണയുന്നിടമുണ്ടൊരു കുഴിമാടം.
അടിവയർ ചിതറി നീലിച്ചൊരുവൾ
അമർത്തിച്ചുക്കും നിലവിളികൾ .
നിണമൊഴുകിയുണങ്ങും വഴികൾ
പൊടുന്നനെ പെറും കൊടുംകാട് !

Nima R Nath
ചിത്രീകരണം : സുബേഷ് പത്മനാഭൻ

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

Related Articles

നീന്തൽ

കവിത  യഹിയാ മുഹമ്മദ് കടൽ. കുഞ്ഞിനെ കൈവെള്ളയിൽ കിടത്തി കരയിലേക്ക് നീന്താൻ പഠിപ്പിക്കുന്നു. വെള്ളത്തിൽ നീന്തുന്നത് പോലെ എളുപ്പമല്ലല്ലോ കരയിലെ നീന്തൽ കല്ലും മുള്ളും നിറഞ്ഞത് കൊണ്ട് മേനിയാകെ ഉരഞ്ഞു പൊട്ടും. കടൽ കുഞ്ഞ് നീന്തി നീന്തി നാടും കാടും കടന്ന് മലയുടെ ഉച്ചി വരെയെത്തി. കടലെത്ര തിരിച്ചുവിളിച്ചിട്ടും അവനുച്ചിയിൽ നിന്ന് താഴെക്കിറങ്ങി വന്നതേയില്ല. കുഞ്ഞുങ്ങൾ. വികൃതിക്കുരുന്നുകളുണ്ടോ പറയുന്നത് കേൾക്കുന്നു! നീന്തിപ്പോയ...

കല്ലുവിളയിലെ കവടികളിസംഘം

കഥ ബിനുരാജ് ആർ. എസ് 1. "തീട്ടം ബൈജൂന്റണ്ടി ഞെരടി ഒടയ്ക്കണം", സേവിയും ഗോപനും തീരുമാനിച്ചു. "ഇനി ഒരുത്തനോടും അവനിങ്ങനെ കാണിക്കരുത്. കുറേ നാളായി പല കാര്യങ്ങൾക്ക് ഓങ്ങി വെക്കണ്. നമ്മളക്കൊണ്ടെന്തക്ക പറ്റോന്നവന് കാണിച്ച് കൊടുക്കണം." ഒരു...

തോട്ടോഗ്രഫി 2

തോട്ടോഗ്രഫി 2 പ്രതാപ് ജോസഫ് "a good photograph is knowing where to stand" Ansel Adams നിൽപ്പ്‌ വെറും നിൽപ്പല്ല, നിലപാടുകൂടിയാണ്‌. എവിടെ നിൽക്കണം/ എന്ത് നിലപാടെടുക്കണം എന്നറിയുന്നതാണ്‌ ജീവിതത്തിലെയും ഏറ്റവും അനിവാര്യമായ അറിവ്‌. ഫോട്ടോഗ്രഫിയും...
spot_img

Latest Articles