Wednesday, July 28, 2021

നൂറാം കോല്

കവിത

ശരത് മഹാസേനൻ

ഉറക്കം,
തെങ്ങിൻ തലപ്പിലെ
മിന്നാമിന്നി മൊട്ടുപോലെ
അകലങ്ങളിൽ മിന്നിമറയുന്നു,
രാത്രി,
ഏകാന്തതയിൽ തുഴയെറിയുന്ന
തോണിയെ പോലെയലയുമ്പോൾ,
ഓർമ്മകൾ ചിലമ്പുന്ന മഴക്ക്
കൂട്ടുവരുന്ന ഉപ്പുനീറുന്ന കാറ്റ്
തോണിയെ പുലരിയോടടുപ്പിക്കുന്നു,



ആ മഴയിൽ നനഞ്ഞു ഞാൻ
നീറ്റുകക്ക പോലെ നീറി
പരകോടിയിലേക്കു ചിതറുന്നു,
പുലരിയിൽ നിന്ന് രാവോളം
നിന്നിൽ ചിതറിത്തെറിച്ചരെന്നെ
നീ പോലുമറിയാതെ പറുക്കിയകറ്റാൻ
ഞാനൊരു നൂറാംകോല് കളിക്കിറങ്ങി
വീണ്ടുമൊരു വിഫലശ്രമം നടത്തുന്നു,
കാട്ടുതീയെ കാത്തിരിക്കുന്ന
തേക്കിൻകുരുവിന്റെ ക്ഷമയോടെ
കണ്ണുനിറയാതെ,
കാഴ്ചമറയാതെ,
ശ്വാസമിടറാതെ,
ഉള്ളുപിടയാതെ,
ആഴങ്ങളിലേക്ക് ആഴ്നിറങ്ങുന്ന
കല്ലിന്റെ നിസ്സഹായതയോടെ
പ്രാണന്റെ പ്രാണനെ
തട്ടി അകറ്റുന്നൊരു
നൂറാം കോല് കളി…

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) editor@athmaonline.in , WhatsApp : 9048906827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Related Articles

ഭൂമിയുടെ വിത്ത്

കവിത കുഴൂർ വിത്സൺ അതിരാവിലെ ഭൂമിയുടെ വിത്തുകൾ ശേഖരിക്കാൻ പുറപ്പെട്ടു തിരിച്ച് പറക്കും വഴി ചിലത് പുരമുകളിൽ വീണു ചിലത് മലമുകളിൽ വീണു മറ്റ് ചിലത് വയലുകളിൽ ഭൂമിയുടെ വിത്തുകൾ മണ്ണിലും കണ്ണിലും വിണ്ണിലും മുളയ്ക്കാൻ...

വിനിമയവും മൂന്ന് കവിതകളും

കവിത ടി. പി. വിനോദ് 1. പറയുന്നു “കിതക്കുന്നല്ലോ? നടക്കുകയാണോ?” “അല്ല, നിന്റെ ശബ്ദത്തിൽ നിന്ന് ശ്വാസമെടുക്കുകയാണ്, കിട്ടാവുന്ന സമയത്തിനുള്ളിൽ പറ്റാവുന്നത്ര വേഗത്തിൽ.” 2. തോന്നുന്നു ഒരു ജലകണത്തിന് മരത്തിനുള്ളിലേക്ക് പോകാമെന്ന് തോന്നുന്ന മട്ടിൽ, ഒരു പുഴ തനിക്ക് കുറുകെ സഞ്ചാരങ്ങളെ വിട്ടുകൊടുക്കുന്ന വിധത്തിൽ, മനുഷ്യർക്കും എനിക്കുമിടയിൽ വേരുകളോ പാലങ്ങളോ ഉള്ളതിന്റെ സങ്കീർണ്ണമായ അത്ഭുതം 3. ചോദിക്കുന്നു ഏകാന്തത ഒരു ചോദ്യമാണെങ്കിലല്ലേ അതിനൊരു ഉത്തരം കണ്ടെത്തേണ്ടതുള്ളൂ? ... https://www.youtube.com/watch?v=YJNAL4fiNjg ടി.പി.വിനോദ് കവി. ഗവേഷകന്‍. ബംഗളൂരുവിലെ...

ദൈവമനെ

കാട്ടുനായ്ക്ക ഗോത്രഭാഷാകവിത ബിന്ദു ഇരുളം ദബ്ബെല്ലുപ്ത്തിദ ദൈവമനെ കണ്ടെരാ . സണ്ണ കാട് ഗെല്ലീ മൊളിച്ചത്ത്. അണ്ദ ഗോഡെ ഗെസല്തിൻത്ത് . സേറ് മ് ണ്ണ് ല് മ്‌ശിയർത്തു സാരി ശിദ കോല കെ അളകിത്ത്. മട്ട് ഒന്തൊന്താകി ഹ്‌ട്‌ ദ് തിരി ത്ത്. യ സറ് ഗൊന്തു തരെ . ഇല്ലി, ദൈവ്വന്...

1 COMMENT

Leave a Reply

Stay Connected

14,715FansLike
18FollowersFollow
1,170SubscribersSubscribe
spot_img

Latest Articles

WhatsApp chat
%d bloggers like this: