Sunday, September 27, 2020
Home സിനിമ വട്ടവടയിലെ രക്തനക്ഷത്രം

വട്ടവടയിലെ രക്തനക്ഷത്രം

ഗിരീഷ് വർമ്മ

സംഭവിച്ച കാര്യങ്ങൾ കലാസൃഷ്ടിയായി രൂപപ്പെടുത്തുമ്പോൾ വളരെ ശ്രദ്ധിക്കേണ്ടിയിരിക്കുന്നു. സിനിമയാവുമ്പോൾ പ്രത്യേകിച്ചും. അതും ഒരു ട്രാജഡി സബ്ജക്റ്റ് ആവുമ്പോൾ അതിഭാവുകത്വത്തിന്റെ റീലുകൾ ആവാതെ നോക്കുകയും വേണം. സംഭവവും കഥയും ഇഴചേർന്ന് പോവുകയും വേണം. യഥാർത്ഥ്യങ്ങളെ വീണ്ടും ചലിക്കുന്ന ചിത്രങ്ങളാക്കുമ്പോൾ അത് ചരിത്രത്തിലേക്കൊരു ഈടുവെപ്പ് കൂടിയാണ്. അത്തരത്തിലൊരു സൂക്ഷ്മത ശ്രീ വിനീഷ് ആരാധ്യയ്ക്ക് നിശ്ചയമായും അറിയാം എന്ന് ‘പത്മവ്യൂഹത്തിലെ അഭിമന്യു’ തെളിയിച്ചിരിക്കുന്നു.

മഹാരാജാസ് കോളേജിലേയ്ക്ക് അങ്ങ് ദൂരെ ഇടുക്കിയിലെ വട്ടവട എന്ന ഗ്രാമത്തിൽ നിന്ന് പഠിക്കാനായി വരുന്ന അഭിമന്യു. ക്ലാസ്സിലെ പരിചയപ്പെടലിൽ തന്നെ വട്ടവടയെ അങ്ങിനെ തന്നെ ക്ലാസ്സ് റൂമിൽ കൊണ്ടുവരുകയാണ് അഭി. ആത്മാർത്ഥത തുളുമ്പുന്ന സംസാരം. സൗമ്യഭാഷണങ്ങളിൽ പ്രിൻസിപ്പലിന്റെ വാദമുഖങ്ങളെപ്പോലും ഒടിച്ചു കളയന്നുണ്ട് ഒന്ന് രണ്ട് സീനുകളിൽ. ശക്തമായ ശബ്ദത്തോടെ ക്യാമ്പസ്സാകെ ഇളകി മറിക്കുന്നുമുണ്ട്.

abhi

വട്ടവടയിലെ ഒരു കുടുംബത്തിലെ ഏക പ്രതീക്ഷയെയാണ് മത തീവ്രവാദികൾ കത്തിയിൽ കോർത്തെടുത്തത്. മനുഷ്യമുഖം മാത്രമുള്ള മനുഷ്യപ്പറ്റില്ലാത്ത ചെകുത്താൻ സന്തതികൾക്ക് ഇല്ലാതാക്കാൻ കഴിഞ്ഞത് വലിയൊരു സ്വപ്നത്തെയായിരുന്നു. മതവർഗ്ഗീയ തീവ്രവാദികൾക്ക് വളരാനുള്ള വളക്കൂറുള്ള മണ്ണാക്കുകയാണ് കലാലയാന്തരീക്ഷത്തെ അധമവാദികൾ. മതങ്ങൾക്കതീതമാണ് ജീവിത സ്വപ്നങ്ങളെന്ന് അവരൊക്കെ ഇനിയും പഠിച്ചെടുക്കേണ്ടിയിരിക്കുന്നു. അഭിമന്യുവിന്റെ കൊലപാതക ശേഷം ഇവർ ഈ സിനിമയിലൂടെ വിചാരണ ചെയ്യപ്പെടുകയാണ്, നമ്മുടെയൊക്കെ മനസ്സുകളിലും. ക്യാമ്പസ്സുകളിലെ പുതിയ പഠിതാക്കൾ ഇവരെ തിരിച്ചറിയുമെന്ന് കരുതുന്നു. മത കാപാലികരെ തീർത്തുമകറ്റി അഭിമന്യുമാർ ആഗ്രഹിച്ച, സ്വപ്നം കണ്ട നല്ല നാളെകൾക്കായി പ്രവർത്തിക്കുക.

സ: സൈമൺ ബ്രിട്ടോയുടെ ശക്തമായ സാന്നിദ്ധ്യം സിനിമയ്ക്ക് കൂടുതൽ കരുത്തേ കുന്നു. വട്ടവടയിലെ രക്തനക്ഷത്രമായ് പുതുമുഖം ആകാശ് ഗംഭീര പ്രകടനം കാഴ്ചവെച്ചു. മറ്റഭിനേതാക്കൾ ഇന്ദ്രൻസും സോനാ നായരും ഒഴിച്ചുള്ളവരൊക്കെ പുതുമുഖങ്ങളാണ്. എല്ലാവരും മികച്ച അഭിനേതാക്കൾ തന്നെ. ബാലുശ്ശേരി സന്ധ്യയിൽ ആദ്യ ഷോയ്ക്ക് സിനിമയിലെ രണ്ട് പുതുമുഖ നായികമാരും വന്നിരുന്നു. ചിത്രത്തിലെ ഗാനങ്ങൾ, കവിതകൾ എന്നിവയും ശ്രദ്ധിക്കപ്പെട്ടിട്ടുണ്ട്.
സി പി അബൂബക്കറിന്റെ വരികൾ അതിൽ ഉണ്ടായിരുന്നു. എല്ലാവരും കാണണം, നല്ലൊരു ചലച്ചിത്രമാണ്.

നന്ദി ശ്രീ വിനീഷ് ആരാധ്യ

Leave a Reply

Most Popular

ആരോഗ്യമുള്ള അമീബകൾ

കവിത ഭാഗ്യശ്രീ രവീന്ദ്രൻ വി. ആർ സൂത്രവാക്യങ്ങളിലേക്ക് വിവർത്തനം ചെയ്ത സൂക്ഷ്മലോകങ്ങളെ ഈ നോട്ടുബുക്കിൽ നിങ്ങൾ വായിക്കും. പക്ഷേ, "ആരോഗ്യമുള്ള അമീബകളാണ് ഈ ഗവേഷണത്തിന്റെ ഐശ്വര്യം" എന്ന് നിങ്ങളിതിൽ കാണില്ല. എന്തെന്നാൽ പ്രസിദ്ധീകരണയോഗ്യമല്ലാത്ത വസ്തുതകളാണ് ഗവേഷണജീവിതത്തിന്റെ യാഥാർത്ഥ്യമെന്ന് ആരും പറയാറില്ല. പറയാത്തതുകൊണ്ട് അതൊന്നുമില്ലെന്നല്ല, മറിച്ച് മിണ്ടാത്തതുകൊണ്ട് ഗവേഷകരുണ്ട്, ഉണ്ടാകുന്നുമുണ്ട് എന്നതാണ് വാസ്തവം. ശാസ്ത്രീയമായ ഒരുദാഹരണം നോക്കൂ: "അനുസരണയുള്ള വിദ്യാർത്ഥിനി...

ഓർമ്മച്ചുരങ്ങളുടെ ചൂടും തണുപ്പും

സുരേഷ് നാരായണൻ ഓർമ്മകൾ പലതരമുണ്ട്. മഴ നനഞ്ഞതു മുതൽ മന്ത്രകോടി കൊടുത്തതു വരെ. മറവിക്കു പണയം വെച്ചതുമുതൽ മരണത്തിനു ബലിയിട്ടതു വരെ. ബത്തേരിയുടെ മാനസപുത്രനായ അർഷാദ് ബത്തേരി നമ്മെ ക്ഷണിക്കുകയാണ് ഓർമ്മച്ചുരങ്ങളുടെ ഒളിത്തണുപ്പുകളിലേക്ക്! ചുരംകയറുകയാണ് ഇറങ്ങുകയാണ് എന്ന...

ആരവങ്ങളില്ലാതെ- അകലങ്ങളിൽ സമാന്തര എൽ.എൻ.വി ഓൺലൈൻ യുവജനോത്സവം

കോവിഡ് മഹാമാരിയുടെ പശ്ചാത്തലത്തിൽ മുടങ്ങിക്കിടക്കുന്ന സ്കൂൾ യുവജനോത്സവത്തിന് ബദൽ സാധ്യതകൾ തേടുകയാണ് നാടക പ്രവർത്തകുടെ ആഗോള ഓൺലൈൻ കൂട്ടായ്മയായ ലോക നാടക വാർത്തകൾ. ഒക്ടോബർ, നവംബർ, ഡിസംബർ മാസങ്ങളിൽ റിഥം ഹൗസ് പെർഫോർമിങ്ങ്...

രമണി

കവിത മാനസി പി.കെ രമണിയെ വീണ്ടും കാട്ടിനുള്ളിൽ കണ്ടത്രേ. ഇത്തവണ കൊള്ളി പെറുക്കാൻ പോയ ശാന്തയാണ് രമണിയെ കണ്ടത്. പനമരത്തിന്റെ താഴെ രമണിയും, നരുന്ത് പോലൊരു ചെക്കനും. ലേശം മുരിമ ഇണ്ടെങ്കിൽ പൊരൻ്റുള്ളിൽ കൊണ്ടോകെടീ പൊലയാടിച്ചി മോളേന്ന് ശാന്ത കാർക്കിച്ചു തുപ്പി. പൊരന്റുള്ളിലിത്ര കാറ്റും, വെളിച്ചോം കിട്ടൂല ശാന്തേന്ന്...
%d bloggers like this: