HomeTHE ARTERIASEQUEL 26പെണ്‍കവിത

പെണ്‍കവിത

Published on

spot_imgspot_img

കവിത

രാജന്‍ സി എച്ച്
ചിത്രീകരണം മജ്നി തിരുവങ്ങൂർ

പെണ്ണുങ്ങള്‍ അവരെ
എളുപ്പം കവിതയാക്കും,
അടുക്കളയിൽ.

പാത്രം കഴുകുകയും
നിലം തുടക്കുകയും
ചെയ്യുമ്പോലെ
അഴുക്കും മുഷിവും
തുടച്ചെറിയും കവിതയില്‍.

പച്ചക്കറി നുറുക്കുകയും
ഉള്ളിയരിയുകയും
ചെയ്യുമ്പോലെ
വികാരങ്ങളെ വിസ്മയകരമാം വിധം
നുറുക്കി വെക്കും കവിതയില്‍.

മുളകും മഞ്ഞളും
പുളിയും കായവും
ഉപ്പും ഉപായവും
ചേരും പടി ചേര്‍ക്കും കവിതയില്‍.

ചില കവിതകളെ
സാമ്പാറെന്ന് രസമെന്ന്
പച്ചടിയെന്ന് കിച്ചടിയെന്ന്
ഉപ്പേരിയെന്ന് അച്ചാറെന്ന്
എത്രയെത്ര തരങ്ങളാക്കും
വ്യത്യസ്താഭിരുചികളുടെ
രസച്ചേര്‍പ്പില്‍ കവിതയില്‍!

ഉദാരമായ ബിംബങ്ങളെ
കടുകു പൊട്ടിച്ച്
കിടുക്കി യോജിപ്പിക്കും
വറവിലെന്നായി വിരവില്‍
കവിതയില്‍.

നാക്കു കൊണ്ടും
മൂക്കു കൊണ്ടും
നോക്കു കൊണ്ടും
തിരിച്ചറിവിന്റെ കരസ്പര്‍ശം കൊണ്ടും
അതാതിന്റെ വേവ് വേര് ഊര്
നിര്‍ണയിച്ചിരിക്കും കവിതയില്‍.

പെണ്ണുങ്ങളെ കവിതയില്‍
ഞാന്‍ ഭയക്കും.

എഴുതിത്തുടങ്ങിയാല്‍
അവരുടെയുടലോളം
വേറിടില്ലവര്‍ കവിതയില്‍.

വരികള്‍ക്കിടയില്‍
ആത്മാവിന്റെ മധുരത്തോളം
രസാസ്വാദമാവില്ലൊരു മൗനവും
കവിതയില്‍.

രജസ്വലയാവില്ലൊരു തിളയും
കാമാര്‍ത്തമാവില്ലൊരു പ്രിയവും
നിഷ്പന്ദമാവില്ലൊരു സ്മൃതിയും
കവിതയില്‍.

പെണ്ണുങ്ങളോളം കവികളായി
ഞാനറിയുകില്ലാരേയും.
ഭോഗാക്രാന്തരായ പുരുഷന്മാര്‍
അവരെ നിഷ്ക്കരുണം
നൈമിഷികാസ്വാദനവ്യഗ്രതയില്‍
എത്ര വേഗം നിഷ്പ്രഭരാക്കുന്നു.
തിന്നു തീര്‍ക്കുന്നു.

എന്നാല്‍ പെണ്ണുങ്ങളതു കൊണ്ടും
സംതൃപ്തരെന്നു നടിക്കും
കവിതയില്‍.

യഥാര്‍ത്ഥകവിത
തങ്ങളുടേതാണെന്ന തിരിച്ചറിവില്‍
മോഹിക്കാതെ.

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

LEAVE A REPLY

Please enter your comment!
Please enter your name here

Latest articles

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...

കുസ്റ്റോറിക്കയുടെ അരയന്നങ്ങള്‍

ആത്മാവിന്റെ പരിഭാഷകൾ (സിനിമ കവിത, സംഗീതം) part 2 ഭാഗം 41 ഡോ. രോഷ്നി സ്വപ്ന   ഡോ. രോഷ്നി സ്വപ്ന 'പുഴയൊഴുകിയ വഴിനോക്കി തോണിക്കാരനിരിക്കുന്നു. പക്ഷിയുടെ നെഞ്ചു പോലെ അത്ര മൃദുലമായ് അവന്റെ...

More like this

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...