Monday, September 27, 2021

പേര് ചേര്‍ക്കല്‍

കവിത

രാജന്‍ സി എച്ച്

ഞങ്ങളുടെ റേഷന്‍ കാര്‍ഡില്‍
വീട്ടിലുള്ള എല്ലാ അംഗങ്ങളുടേയും പേരില്ല.
പേരുള്‍പ്പെടുത്താന്‍
പൊതുവിതരണ ആപ്പീസര്‍
സമ്മതിക്കുന്നില്ല.
അവര്‍ക്കും ഭക്ഷണം വേണ്ടേ?

റേഷന്‍ കാര്‍ഡില്‍ ഭാര്യയുണ്ട്,
കുടുംബനാഥയാണ്.
ജോലി:വീട്ടുഭരണം.
എന്‍റെ പേരുണ്ട്.
കുടുബനാഥയുടെ ഭര്‍ത്താവ്.
ജോലി:വിരമിച്ചയാള്‍.
മകനുണ്ട്.
ജോലി:സംരംഭകന്‍.
മകളുണ്ട്.
ജോലി:തൊഴില്‍ രഹിത.

കൊടുത്ത അപേക്ഷയില്‍
നാലു പേരെക്കൂടി ചേര്‍ക്കാനാണ്.
പേര്:ടിപ്പു.
പ്രായം:അഞ്ചു വയസ്സ്.
ജോലി:വീടു കാവല്‍.
കുടുംബനാഥയുമായുള്ള ബന്ധം:
സ്നേഹബന്ധം.
പേര്:ഝാന്‍സി.
പ്രായം:നാലു വയസ്സ്
ജോലി:ടിപ്പുവിനെ നോക്കല്‍.
കുടുംബനാഥയുമായുള്ള ബന്ധം:
വളര്‍ത്തു ബന്ധം.
പേര്:പമ്മി.
പ്രായം:നാലു വയസ്സ്.
ജോലി:എലി പിടുത്തം.
കുടുംബനാഥയുമായുള്ള ബന്ധം:
കാര്യ ബന്ധം.
പേര്:ചേകോന്‍.
പ്രായം:മൂന്നു വയസ്സ്.
ജോലി:കൂകിയുണര്‍ത്തല്‍.
കുടുംബനാഥയുമായുള്ള ബന്ധം:
സമയ ബന്ധം.

ഇതൊക്കെയാരാണ്?
പൊതുവിതരണ വകുപ്പുദ്യോഗസ്ഥന്‍
ചോദിച്ചു:
ടിപ്പുവും ഝാന്‍സിയും
വീട്ടിലെ നായകളാണ്.
പമ്മി പൂച്ചയും
ചേകോന്‍ പൂവന്‍ കോഴിയുമാണ്.

ഉദ്യോഗസ്ഥന് ദേഷ്യം വന്നു.
കടക്ക് പുറത്തെന്നലറി.
എനിക്കൊന്നും മനസ്സിലായില്ല.

രാജന്‍ സി എച്ച്
കണ്ണൂര്‍ ജില്ലയില്‍ മയ്യഴിപ്പുഴത്തീരത്ത് ഒളവിലത്ത് ജനിച്ചു. പന്ത്രണ്ട് കവിതാ സമാഹാരങ്ങള്‍ പ്രസിദ്ധീകരിച്ചിട്ടുണ്ട്.

SUPPORT US

ദി ആർട്ടേരിയയുടെ സുതാര്യമായ പ്രവർത്തനത്തിനും സുഗമമായ നടത്തിപ്പിനും പ്രിയപ്പെട്ട വായനക്കാരിൽ നിന്ന് സാമ്പത്തിക പിന്തുണ പ്രതീക്ഷിക്കുന്നു.

Google Pay : 8078816827

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Related Articles

കാശിയിലേക്കൊരു ചായ യാത്ര ഭാഗം: 4

യാത്ര നാസർ ബന്ധു അങ്ങനെ നാലാം ദിനം രാവിലെ ഇറങ്ങി അടുത്തുള്ള ചായക്കടയിൽ നിന്നും തുളസി ചേർന്ന പാൽചായ കുടിച്ചിരിക്കുമ്പോഴാണ് " ബേച്ചു " പോകുന്ന ഒട്ടോ കണ്ടത്. ബനാറസ് ഹിന്ദു യൂണിവേഴ്‌സിറ്റിയുടെ (B.H.U) ചുരുക്കപ്പേരാണ്...

ഇലകളുടെ പുസ്തകം

ഫോട്ടോസ്റ്റോറി ഗിരീഷ് രാമൻ "ഞാൻ ഒരു ഇല പോലെയാണ് പ്രതീക്ഷയിലും നിരാശയിലും തൂങ്ങിക്കിടക്കുന്നു". ഗിരീഷ് രാമൻ: ഒരു ബൈപോളാർ (Bipolar) ആർട്ടിസ്റ്റ് ആണ്. മലപ്പുറം ജില്ലയിലെ കാരക്കുന്നിൽ ജനനം. കാരക്കുന്ന്, മഞ്ചേരി, പെരിന്തൽമണ്ണ എന്നിവിടങ്ങളിൽ വിദ്യാഭ്യാസം. ഒൗപചാരിക വിദ്യാഭ്യാസത്തില്‍ വിശ്വാസം നഷ്ടപ്പെട്ട് കോളേജ്...

കവിതയുടെ ആട്ടം

എസ് കലേഷിന്റെ ആട്ടക്കാരി എന്ന കവിതാ സമാഹാരത്തിന്റെ വായന കെ എൻ പ്രശാന്ത് നല്ല സാഹിത്യകൃതികളുടെ അന്തസത്തകളിലൊന്നാണ് അവ പ്രസരിപ്പിക്കുന്ന അനുഭൂതി. ചില രചനകള്‍ വായിച്ചു തീര്‍ത്താലും ദിവസങ്ങളും മാസങ്ങളും ഒരുപക്ഷേ, വർഷങ്ങള്‍ കഴിഞ്ഞാലും അതേക്കുറിച്ചോര്‍ക്കുമ്പോള്‍ ഉള്ളില്‍...

Leave a Reply

Stay Connected

14,715FansLike
21FollowersFollow
1,170SubscribersSubscribe
spot_img

Latest Articles

WhatsApp chat
%d bloggers like this: