Monday, September 27, 2021

ഒരു ശരാശരി വടേരക്കാരന്റെ കാറ്റലോഗ്

കവിത

യഹിയാ മുഹമ്മദ്

ഒരു ഒഴിവുദിവസം ചുമ്മാ
അലക്കാനിറങ്ങിയപ്പോൾ
അടുത്ത വീട്ടിലെ ജമീലത്ത ചോദിച്ചു
മുഹമ്മദേ ഇതൊക്കെ ചെയ്യാൻ
നിനക്കൊരു പെണ്ണുകെട്ടിക്കൂടെ?

ചോദ്യം തികച്ചും ന്യായമാണ്.
രണ്ട് ദിവസം മുമ്പ് മാതു ഏടത്തിയും ശൈമേച്ചിയും
എന്റെ വിവാഹ പ്രായത്തെക്കുറിച്ച് ഓർമ്മപ്പെടുത്തിയിരുന്നു.

അടുക്കളയിൽ കരി കൊണ്ട് കോലം വരയാനും മുറ്റമടിച്ച് നടുവൊടിയാനും
അലക്കു കല്ലിൽ നുരയും പതയുമായ് തേയാനും
ഉമ്മയ്ക്കൊപ്പം ഒരു കൂട്ടാവുമല്ലോ!

വിവാഹം ഉമ്മയോട് ചെയ്യാൻ പറ്റുന്ന ഏറ്റവും നല്ല പുണ്യകർമ്മം തന്നെ.
ഞാൻ വിവാഹിതനായി!



വൈവാഹിക ജീവിതം തട്ടലോ മുട്ടലോ ഇല്ലാതെ
മാതൃകാപരവും സന്തോഷപൂരിതവുമായി മുന്നോട്ടു നീങ്ങി.

അതിലേറെ സന്തോഷത്തിലും ആനന്ദത്തിലുമാണ് ഉമ്മ
അവൾ നന്നായി മത്തി മുളകിടും.
പുട്ടും കടലയും വെക്കും.
ബീഫു വരട്ടിയതോ,
വായിൽ കപ്പലോടും.!
അലക്കാനും തൂത്തുവാരാനും അവൾക്കൊരു പ്രത്യേക നൈപുണ്യമുണ്ട്

ഇപ്പോൾ കാണുന്നവരൊക്കെ ഞങ്ങളോട് ചോദിക്കും
വല്ല വിശേഷവും!
കുറച്ച് സാമ്പത്തിക ബുദ്ധിമുട്ടുണ്ടെങ്കിലും സുഖമെന്നു പറയും.

വർഷങ്ങൾ കഴിയുന്തോറും ഈ ചോദ്യം അസഹനീയമായി
വിവാഹം കഴിച്ചാൽ മക്കളാവണമെന്നും
ആ നാട്ടുനടപ്പ് തെറ്റിച്ചാൽ നാട്ടുകാർ ചോദ്യം ചെയ്യുമെന്നുമായപ്പോൾ
ഞങ്ങൾ പൊതു ഇടങ്ങളിൽ പോവാതെയായി

വീട്ടിലിപ്പോൾ രണ്ടാംകെട്ടിന്റെ ആലോചനയാണ്
സുമുഖനായ മുസ്ലിം യുവാവ്
രണ്ടാം കെട്ടിന് വധുവിനെ തേടുന്നു
വീട്ടിൽ മെരുകുന്ന
അത്യന്തം പ്രസവശേഷിയുള്ള യുവതികളിൽ നിന്നും വിവാഹാഭ്യർത്ഥന ക്ഷണിക്കുന്നു.



Related Articles

തായി ൻ്റെ തൊണ്ടിയെമ്മെ

മലവേട്ടുവഗോത്രഭാഷാ കവിത ഉഷ എസ് പൈനിക്കര ചിത്രീകരണം : ഹരിത തായി ൻ്റെ തൊണ്ടിയെമ്മെ തായി കൈമെച്ചി തായി തായി ൻ്റെ തൊണ്ടിയെമ്മേ ബെളുതെ തണാറും കയ്മെയും കയിതിലും മുത്തുണകൊണ്ടക്കിയെ കൈവളെയും കല്ലെ മാലയും തായിരെ പാങ്.. പാളെത്തൊപ്പ്ലെ...

കുപ്പിവള

കവിത അഭിരാമി എസ്. ആർ ചിത്രീകരണം :ഹരിത പച്ച, മഞ്ഞ, ചോപ്പ് എന്തോരം നെറങ്ങളാ പല ജാതിയിൽ, പല വെലയിൽ പുള്ളിയൊള്ളത്, വരകളൊള്ളത്, ഒറ്റനെറം, പ്ലാസ്റ്റിക്, ചില്ല് ഒരു സെറ്റ് കുപ്പിവളയ്ക്ക് എത്ര നാളായി കൊതിക്കുവാ മാധവമ്മാമ്മേടെ കടേൽ പോവുമ്പോഴെല്ലാം കണ്ണ് ചെന്ന് വീഴുക വളകളിന്മേലാണ് എന്തുവാ കൊച്ചേ വേണ്ടേ? അരക്കിലോ പഞ്ചാര, നൂറ്...

കിറുക്കത്തി

കവിത ഉമ വിനോദ് ചിത്രീകരണം: ഹരിത പ്രിയ കാമുകാ അവളുടെ കിറുക്കൻ കവിതകൾ പോലെ അവളുടെ പ്രണയത്തെയും നീ വെറുതെ വായിച്ചു തള്ളുക ഈയാഴ്ച്ച ഇത് മൂന്നാം വട്ടമാണ് അവൾക്ക് നിന്നോട് പ്രണയം തോന്നുന്നത്.. അഥവാ, നാല് ദിവസം പ്രണയമില്ലാത്ത ലോകത്തിലെവിടെയോ അവൾ നൂറ്‌ കൂട്ടം കാര്യങ്ങളുമായി തിരക്കിലായിരുന്നിരിക്കാം.. അതുമല്ലെങ്കിൽ പ്രണയം പടികടന്നു വരുന്നതൊന്നുമറിയാതെ മറ്റേതോ കിറുക്കിന്റ വരാന്തയിലിരുന്ന് ഓരോരോ പകലിന്റെ കുരുക്കഴിച്ചെടുക്കയുമായിരുന്നിരിക്കാം.. ഒന്നുറപ്പാണ്, വെറുതെയൊരു വാക്കാൽ കുരുക്കിട്ട് പിടിക്കാനും മാത്രം...

Leave a Reply

Stay Connected

14,715FansLike
21FollowersFollow
1,170SubscribersSubscribe
spot_img

Latest Articles

WhatsApp chat
%d bloggers like this: