Sunday, August 7, 2022

നീന്തൽ

കവിത 

യഹിയാ മുഹമ്മദ്

കടൽ.
കുഞ്ഞിനെ
കൈവെള്ളയിൽ കിടത്തി
കരയിലേക്ക് നീന്താൻ പഠിപ്പിക്കുന്നു.

വെള്ളത്തിൽ നീന്തുന്നത് പോലെ
എളുപ്പമല്ലല്ലോ കരയിലെ നീന്തൽ

കല്ലും മുള്ളും നിറഞ്ഞത് കൊണ്ട്
മേനിയാകെ ഉരഞ്ഞു പൊട്ടും.

കടൽ കുഞ്ഞ്
നീന്തി നീന്തി
നാടും കാടും കടന്ന്
മലയുടെ
ഉച്ചി വരെയെത്തി.

കടലെത്ര തിരിച്ചുവിളിച്ചിട്ടും
അവനുച്ചിയിൽ നിന്ന്
താഴെക്കിറങ്ങി വന്നതേയില്ല.

കുഞ്ഞുങ്ങൾ.
വികൃതിക്കുരുന്നുകളുണ്ടോ പറയുന്നത് കേൾക്കുന്നു!

നീന്തിപ്പോയ ഇടങ്ങളിലാകെയവൻ
പച്ചപ്പു നിറച്ചു..

ദാഹിച്ചു വിണ്ടുകീറിയ
തരിശുനിലങ്ങളിലവൻ.
കൈക്കുമ്പിളിൽ കോരി
ദാഹജലം വേണ്ടുവോളം നൽകി.

അപ്പൻ്റെയല്ലേ മോൻ
അപ്പനെപ്പോലെ
പരോപകരിയാവാതിരിക്കുമോ?

കരയുടെ തെമ്മാടി കൂട്ടങ്ങൾ
അവനെ കോപ്രായങ്ങൾ കാട്ടി
പേടിപ്പിച്ചു.
നുള്ളിയും പിച്ചിയും എറിഞ്ഞു.
രസിച്ചു. ആർത്തട്ടഹസിച്ചു.

പേടിച്ച് പേടിച്ച് പാവം
കടലിലേക്ക് തന്നെ തിരിച്ചു പോയി.
പോവുമ്പോൾ പച്ചപ്പിനേയും
ഒപ്പം കൂട്ടി.

ദാഹിച്ചു ദാഹിച്ചു.
അവിടം വീണ്ടും തരിശുഭൂമിയായി.
ഉണങ്ങിയുണങ്ങി
വിണ്ടുകീറി.
പാവം കർഷകരുടെ
കാൽ മടമ്പു പോലെ


ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

LEAVE A REPLY

Please enter your comment!
Please enter your name here

spot_img

Related Articles

കല്ലുവിളയിലെ കവടികളിസംഘം

കഥ ബിനുരാജ് ആർ. എസ് 1. "തീട്ടം ബൈജൂന്റണ്ടി ഞെരടി ഒടയ്ക്കണം", സേവിയും ഗോപനും തീരുമാനിച്ചു. "ഇനി ഒരുത്തനോടും അവനിങ്ങനെ കാണിക്കരുത്. കുറേ നാളായി പല കാര്യങ്ങൾക്ക് ഓങ്ങി വെക്കണ്. നമ്മളക്കൊണ്ടെന്തക്ക പറ്റോന്നവന് കാണിച്ച് കൊടുക്കണം." ഒരു...

തോട്ടോഗ്രഫി 2

തോട്ടോഗ്രഫി 2 പ്രതാപ് ജോസഫ് "a good photograph is knowing where to stand" Ansel Adams നിൽപ്പ്‌ വെറും നിൽപ്പല്ല, നിലപാടുകൂടിയാണ്‌. എവിടെ നിൽക്കണം/ എന്ത് നിലപാടെടുക്കണം എന്നറിയുന്നതാണ്‌ ജീവിതത്തിലെയും ഏറ്റവും അനിവാര്യമായ അറിവ്‌. ഫോട്ടോഗ്രഫിയും...

In the Mood for Love

ഗ്ലോബൽ സിനിമ വാൾ മുഹമ്മദ് സ്വാലിഹ് Film: In the Mood for Love Director: Wong Kar-wai Year: 2000 Language: Cantonese 'ഇതൊരു അശാന്തമായ നിമിഷമാണ്. അവള്‍ തല താഴ്ത്തി നിന്നു... അടുത്തുവരാന്‍ അയാള്‍ക്കൊരവസരം നല്‍കാനായി. പക്ഷേ, അയാള്‍ക്കതിനായില്ല,...
spot_img

Latest Articles