Sunday, September 27, 2020
Home ചെറുതല്ലാത്ത ഷോട്ടുകൾ പൊന്നിൻ കാ കൊണ്ടൊരു സൂത്രം.

പൊന്നിൻ കാ കൊണ്ടൊരു സൂത്രം.

സൂര്യ സുകൃതം

രണ്ട് വാക്യത്തിൽ  കവിയാതെ ഉത്തരമെഴുതുക എന്ന സ്ഥിരം പരീക്ഷാ ചോദ്യം പോലെയാണ്  ഹ്രസ്വചിത്രങ്ങൾ.

അറിയാവുന്നതും പറയാനുള്ളതുമായ ഒരു നൂറ് കാര്യങ്ങൾ സമയത്തിന്റേയും സാങ്കേതികതയുടേയും മറ്റും പരിമിതിക്കകത്ത് പറഞ്ഞു വയ്ക്കുന്ന മാജിക് വശമുള്ളവരാണ് മിക്ക ഹ്രസ്വചിത്ര സംവിധായകരും. 

“പൊന്നിൻ കാ പൂക്കുന്ന സൂത്രം” അങ്ങനൊരു സൂത്രമാണ്. ലോകത്തെ മുഴുവൻ മലയാളികളെയും തങ്ങളുടെ   ബാല്യത്തോട് ചേർത്ത് കെട്ടിയിടുന്നൊരു മരമാണ് പ്ലാവ്. മുള്ളൻ തോടിനകത്ത് അടുക്കി വച്ചിരിക്കുന്ന സ്വർണചുളകളോളം മധുരമുള്ള ബാല്യങ്ങൾ പൂത്ത് കായ്ക്കുന്ന മരക്കൊമ്പുകൾ.  

ഗൃഹാതുരതയ്ക്കപ്പുറം ചില ഗൗരവമേറിയ വിഷയങ്ങൾ ചർച്ച ചെയ്യാൻ ‘ചക്ക’ പോലൊരു ലളിതമായ മാധ്യമത്തെ ഉപയോഗിച്ചിരിക്കുന്നു സംവിധായകൻ. 

ponninkaa pookkunna soothram

പഴയതെല്ലാം നല്ലതെന്ന സ്ഥിരം പല്ലവിയിലേക്കൊരു ചായ് വില്ലേ “പൊന്നിൻ കാ…. സൂത്രത്തിൽ എന്നൊരു സംശയം ഒഴിച്ചു നിർത്തിയാൽ, ഈ ചിത്രം പറയുന്നത് സമൂഹത്തിൽ ഒളിഞ്ഞും തെളിഞ്ഞും നിലനിൽക്കുന്ന ഉച്ചനീച വേർതിരിവുകളെ കുറിച്ചാണ്. പുറമേ മുള്ളുള്ള അകമേ മധുരമുള്ള മനുഷ്യരേ കുറിച്ചാണ്.  

കാത്ത് സൂക്ഷിക്കപ്പെടേണ്ട പൈതൃകത്തെ കുറിച്ച് ചിത്രം വേവലാതിപ്പെടുന്നില്ലെന്ന് വിശ്വസിക്കാനാണിഷ്ടം. മേൽപ്പറഞ്ഞ രാഷ്ട്രീയ ബോധ്യങ്ങളിൽ നിന്നാവാം സംവിധായകൻ ഈ ചിത്രമെടുത്തതെന്ന് കരുതുന്നു. 

ഇനിയും വായനകൾക്കിടയുണ്ടാവാം ഈ അഞ്ച് മിനുട്ട് മാത്രം വരുന്ന ഹ്രസ്വചിത്രത്തിൽ.

photo 2019 12 12 22.57.05

ചിത്രത്തിന്റെ കഥ, തിരക്കഥ, സംവിധാനം നിർവഹിച്ചിരിക്കുന്നത് പുത്തൂർ എസ് എൻ പുരം  പൗർണ്ണമിയിൽ വിപിൻ പുത്തൂർ ആണ്.

കേരളം ഫാം ഇൻഫോർമേഷൻ ബ്യുറോയുടെ പ്രത്യേക ജൂറി പുരസ്‌കാരം ലഭിച്ച ചിത്രം പൂനെ അന്താരാഷ്ട്ര ഹ്രസ്വചിത്ര മേള,2018  ലെ മത്സരവിഭാഗത്തിലേക്ക്  തിരഞ്ഞെടുക്കപ്പെടുകയും ചെയ്തിരുന്നു .കൂടാതെ ഒൻപതോളം രാജ്യാന്തര , അന്താരാഷ്ട്ര ഹ്രസ്വചിത്ര മേളകളിലും അവാർഡുകൾ നേടിയിട്ടുണ്ട് ചിത്രം.

അരുൺ വി ജെ, അദ്വൈത്, ക്രിസ്റ്റഫർ, കാട്ടിയ പോൾ, സുരേഷ് ബാബു, മോനച്ചൻ , രാജമ്മ, രജിത്, യദു  തുടങ്ങിയവരാണ് അഭിനേതാക്കൾ. സുനില്‍ സി എന്‍ ആണ് ക്യാമറ. ജോയല്‍ ആണ് സംഗീതം നിര്‍വഹിച്ചിരിക്കുന്നത്. 

പാക്ക് അപ്പ്‌ ഫിലിംസ് ആണ് “പൊന്നിൻകാ പൂക്കുന്ന സൂത്ര”ത്തിന്റെ നിർമ്മാതാക്കൾ.

Leave a Reply

Most Popular

ആരോഗ്യമുള്ള അമീബകൾ

കവിത ഭാഗ്യശ്രീ രവീന്ദ്രൻ വി. ആർ സൂത്രവാക്യങ്ങളിലേക്ക് വിവർത്തനം ചെയ്ത സൂക്ഷ്മലോകങ്ങളെ ഈ നോട്ടുബുക്കിൽ നിങ്ങൾ വായിക്കും. പക്ഷേ, "ആരോഗ്യമുള്ള അമീബകളാണ് ഈ ഗവേഷണത്തിന്റെ ഐശ്വര്യം" എന്ന് നിങ്ങളിതിൽ കാണില്ല. എന്തെന്നാൽ പ്രസിദ്ധീകരണയോഗ്യമല്ലാത്ത വസ്തുതകളാണ് ഗവേഷണജീവിതത്തിന്റെ യാഥാർത്ഥ്യമെന്ന് ആരും പറയാറില്ല. പറയാത്തതുകൊണ്ട് അതൊന്നുമില്ലെന്നല്ല, മറിച്ച് മിണ്ടാത്തതുകൊണ്ട് ഗവേഷകരുണ്ട്, ഉണ്ടാകുന്നുമുണ്ട് എന്നതാണ് വാസ്തവം. ശാസ്ത്രീയമായ ഒരുദാഹരണം നോക്കൂ: "അനുസരണയുള്ള വിദ്യാർത്ഥിനി...

ഓർമ്മച്ചുരങ്ങളുടെ ചൂടും തണുപ്പും

സുരേഷ് നാരായണൻ ഓർമ്മകൾ പലതരമുണ്ട്. മഴ നനഞ്ഞതു മുതൽ മന്ത്രകോടി കൊടുത്തതു വരെ. മറവിക്കു പണയം വെച്ചതുമുതൽ മരണത്തിനു ബലിയിട്ടതു വരെ. ബത്തേരിയുടെ മാനസപുത്രനായ അർഷാദ് ബത്തേരി നമ്മെ ക്ഷണിക്കുകയാണ് ഓർമ്മച്ചുരങ്ങളുടെ ഒളിത്തണുപ്പുകളിലേക്ക്! ചുരംകയറുകയാണ് ഇറങ്ങുകയാണ് എന്ന...

ആരവങ്ങളില്ലാതെ- അകലങ്ങളിൽ സമാന്തര എൽ.എൻ.വി ഓൺലൈൻ യുവജനോത്സവം

കോവിഡ് മഹാമാരിയുടെ പശ്ചാത്തലത്തിൽ മുടങ്ങിക്കിടക്കുന്ന സ്കൂൾ യുവജനോത്സവത്തിന് ബദൽ സാധ്യതകൾ തേടുകയാണ് നാടക പ്രവർത്തകുടെ ആഗോള ഓൺലൈൻ കൂട്ടായ്മയായ ലോക നാടക വാർത്തകൾ. ഒക്ടോബർ, നവംബർ, ഡിസംബർ മാസങ്ങളിൽ റിഥം ഹൗസ് പെർഫോർമിങ്ങ്...

രമണി

കവിത മാനസി പി.കെ രമണിയെ വീണ്ടും കാട്ടിനുള്ളിൽ കണ്ടത്രേ. ഇത്തവണ കൊള്ളി പെറുക്കാൻ പോയ ശാന്തയാണ് രമണിയെ കണ്ടത്. പനമരത്തിന്റെ താഴെ രമണിയും, നരുന്ത് പോലൊരു ചെക്കനും. ലേശം മുരിമ ഇണ്ടെങ്കിൽ പൊരൻ്റുള്ളിൽ കൊണ്ടോകെടീ പൊലയാടിച്ചി മോളേന്ന് ശാന്ത കാർക്കിച്ചു തുപ്പി. പൊരന്റുള്ളിലിത്ര കാറ്റും, വെളിച്ചോം കിട്ടൂല ശാന്തേന്ന്...
%d bloggers like this: