Monday, September 28, 2020
Home സാഹിത്യം കവിതകൾ പൂക്കാനിടമില്ലാത്തൊരുവൾ

പൂക്കാനിടമില്ലാത്തൊരുവൾ

കവിത

നന്ദന എസ്

വേട്ടക്കാരന് സപ്തഋഷികളും കൂടി
ഓതിക്കൊടുത്തത് എന്താണെന്നറിയാൻ
അവൾ ഇനിയും കാത്തിരിക്കണം.
കനത്തുപോയ കണ്ണീരിൽ തിരി
മങ്ങിയാണ് കത്തുന്നത്.
ഇരുട്ടിൻറെ ചൂരിനൊപ്പം മയക്കംഒളിച്ചോടി .
പകലിന് തന്നെ കൂട്ടികൊടുക്കാൻ
രാത്രിക്കുരാത്രി വന്ന ചന്ദ്രൻ
കാമുകനാണെന്ന് തെറ്റിദ്ധരിച്ച അന്നുമുതൽ
അവൾക്ക് തന്നെ അവളെ
വിശ്വാസമില്ലാതായിരിക്കുന്നു.
കുരുമുളക് തിരികളിൽനിന്നും മിഴിനീട്ടിയ
ആയിരത്തൊന്ന് മുളകിൻകണ്ണുകളും
തന്റെ നഗ്നത നുണയുന്നത് കണ്ട്
അവൾ പൊട്ടിച്ചിരിച്ചു.
കാവുകളിൽ തോറ്റം പാടിത്തളർന്ന
പാമ്പുകൾ മുട്ടകൾക്ക് കാവലിരുന്നു.
തന്റെ ചൂടിച്ചിരി നൽകാൻ രണ്ട് മുട്ടകൾ
ചോദിക്കണമെന്നുണ്ടായിരുന്നു അവൾക്ക്.
പടവിൽനിന്നു മാത്രം കണ്ടുബോധിച്ച
കുളപ്പായലുകൾ കൊത്തിവലിക്കാനാഞ്ഞ
അവളുടെ തേറ്റകൾ ഇക്കിളികൊണ്ടു.
അയിത്തകാറ്റടിച്ച അരയാലിലകൾ ഉറഞ്ഞുതുള്ളി,
മഞ്ഞുമായി രമിച്ചിരുന്ന പുൽക്കൊടിതിരിഞ്ഞുനോക്കി.
കിന്നാരം പറയാനായി , പുറത്തായ ഭഗവതി
തിടപ്പളിയിൽനിന്ന് എണീറ്റ്നോക്കി.
മുലകൾ രണ്ടും വെള്ളത്തിൽ മുക്കിക്കൊന്ന്
തന്റെശവപ്പറമ്പിൽ അവൾപുതിയ
ചെമ്പരത്തിക്കൊമ്പ് നാട്ടി.
പിന്നെ പിറ്റേന്ന് രാവിലെ
നാട്ടുമാവിൽ പൂത്തുനിന്നു.

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) editor@athmaonline.in, WhatsApp : 80 788 16827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Leave a Reply

Most Popular

ആരോഗ്യമുള്ള അമീബകൾ

കവിത ഭാഗ്യശ്രീ രവീന്ദ്രൻ വി. ആർ സൂത്രവാക്യങ്ങളിലേക്ക് വിവർത്തനം ചെയ്ത സൂക്ഷ്മലോകങ്ങളെ ഈ നോട്ടുബുക്കിൽ നിങ്ങൾ വായിക്കും. പക്ഷേ, "ആരോഗ്യമുള്ള അമീബകളാണ് ഈ ഗവേഷണത്തിന്റെ ഐശ്വര്യം" എന്ന് നിങ്ങളിതിൽ കാണില്ല. എന്തെന്നാൽ പ്രസിദ്ധീകരണയോഗ്യമല്ലാത്ത വസ്തുതകളാണ് ഗവേഷണജീവിതത്തിന്റെ യാഥാർത്ഥ്യമെന്ന് ആരും പറയാറില്ല. പറയാത്തതുകൊണ്ട് അതൊന്നുമില്ലെന്നല്ല, മറിച്ച് മിണ്ടാത്തതുകൊണ്ട് ഗവേഷകരുണ്ട്, ഉണ്ടാകുന്നുമുണ്ട് എന്നതാണ് വാസ്തവം. ശാസ്ത്രീയമായ ഒരുദാഹരണം നോക്കൂ: "അനുസരണയുള്ള വിദ്യാർത്ഥിനി...

ഓർമ്മച്ചുരങ്ങളുടെ ചൂടും തണുപ്പും

സുരേഷ് നാരായണൻ ഓർമ്മകൾ പലതരമുണ്ട്. മഴ നനഞ്ഞതു മുതൽ മന്ത്രകോടി കൊടുത്തതു വരെ. മറവിക്കു പണയം വെച്ചതുമുതൽ മരണത്തിനു ബലിയിട്ടതു വരെ. ബത്തേരിയുടെ മാനസപുത്രനായ അർഷാദ് ബത്തേരി നമ്മെ ക്ഷണിക്കുകയാണ് ഓർമ്മച്ചുരങ്ങളുടെ ഒളിത്തണുപ്പുകളിലേക്ക്! ചുരംകയറുകയാണ് ഇറങ്ങുകയാണ് എന്ന...

ആരവങ്ങളില്ലാതെ- അകലങ്ങളിൽ സമാന്തര എൽ.എൻ.വി ഓൺലൈൻ യുവജനോത്സവം

കോവിഡ് മഹാമാരിയുടെ പശ്ചാത്തലത്തിൽ മുടങ്ങിക്കിടക്കുന്ന സ്കൂൾ യുവജനോത്സവത്തിന് ബദൽ സാധ്യതകൾ തേടുകയാണ് നാടക പ്രവർത്തകുടെ ആഗോള ഓൺലൈൻ കൂട്ടായ്മയായ ലോക നാടക വാർത്തകൾ. ഒക്ടോബർ, നവംബർ, ഡിസംബർ മാസങ്ങളിൽ റിഥം ഹൗസ് പെർഫോർമിങ്ങ്...

രമണി

കവിത മാനസി പി.കെ രമണിയെ വീണ്ടും കാട്ടിനുള്ളിൽ കണ്ടത്രേ. ഇത്തവണ കൊള്ളി പെറുക്കാൻ പോയ ശാന്തയാണ് രമണിയെ കണ്ടത്. പനമരത്തിന്റെ താഴെ രമണിയും, നരുന്ത് പോലൊരു ചെക്കനും. ലേശം മുരിമ ഇണ്ടെങ്കിൽ പൊരൻ്റുള്ളിൽ കൊണ്ടോകെടീ പൊലയാടിച്ചി മോളേന്ന് ശാന്ത കാർക്കിച്ചു തുപ്പി. പൊരന്റുള്ളിലിത്ര കാറ്റും, വെളിച്ചോം കിട്ടൂല ശാന്തേന്ന്...
%d bloggers like this: