Monday, September 20, 2021

എന്റെ ശരീരത്തിലൂടെ വാക്കുകളും ചിത്രങ്ങളും പാഞ്ഞുനടക്കുന്നു

കവിത

പ്രതാപ് ജോസഫ്

നട്ടെല്ല് ഒരു ആറുവരി അതിവേഗപാതയാണ്
വാഹനങ്ങൾ ഇരമ്പിയാർക്കുന്നതിന്റെ വെളിച്ചമല്ലാതെ മറ്റൊന്നും കാണാനില്ല
എന്റെ കൈകൾ ഏതോ വിദൂരഗ്രാമത്തിലേയ്ക്കുള്ള പാതകളാണ്
അതിന്റെയറ്റത്ത്
വലിയ കുന്നിൻചെരുവിൽ
ഓലമേഞ്ഞ വീട്ടിൽ ഒറ്റയ്ക്കൊരാൾ വസിക്കുന്നു
മഴപെയ്യുന്നുണ്ട്, കാറ്റടിക്കുന്നുണ്ട്
മണ്ണെണ്ണയും വാങ്ങി അയാൾ വീട്ടിലേയ്ക്ക് മടങ്ങുന്നു

എന്റെ ഹൃദയത്തിന്റെ ഇരുട്ടുനിറഞ്ഞ മൂലയ്ക്ക്
ഒരാൾ തോണിയിറക്കിയിരിക്കുന്നു
ഒരു ചിമ്മിനി വെളിച്ചത്തിൽ അയാൾ ചൂണ്ടയിടുകയാണ്
അമ്മയില്ലാത്ത ഒരു കുട്ടി
വീട്ടിൽ ഒറ്റയ്ക്കുറങ്ങുന്നതിന്റെ ആധിയുണ്ട്,
അയാളുടെ ചിമ്മിനിവിളക്കിന്റെ തെളിച്ചമില്ലാത്ത കത്തലിൽ

ഷട്ടറുതാഴ്ത്തിയിരിക്കുന്ന ഒരു കടമുറിക്കുമുന്നിൽ
ഒരു വൃദ്ധൻ കൂനിയിരിക്കുന്നു
അയാൾക്ക് തണുക്കുന്നുണ്ട്, അയാൾക്ക് വിശക്കുന്നുണ്ട്, അയാൾക്ക് ഉറങ്ങണമെന്നുമുണ്ട്
അയാളെ ആരും ഗൗനിക്കുന്നില്ല

ഏറ്റവും തിരക്കേറിയ നഗരംവീഥിപോലെ ചിലയിടങ്ങൾ
ഏറ്റവും വിജനമായ ഗ്രാമപാതപോലെ ചിലയിടങ്ങൾ
ചെറുപട്ടണങ്ങൾ പോലെ ചിലയിടങ്ങൾ

വിദൂരവൻകരകളിലേയ്ക്കെന്നപോലെ
ഓരോ ദിവസവും
അണിഞ്ഞൊരുങ്ങി ആർഭാടത്തോടെ
ഞാൻ, എന്റെ ശരീരത്തിലേക്ക് തിരിക്കുന്നു
ഏതെങ്കിലും ഒരു കവലയിലെത്തി
ഹതാശനായി മുഖംകുനിച്ചിരിക്കുന്നു
പെട്ടെന്നൊരുദിവസം മുഖാവരണങ്ങൾ അണിഞ്ഞ ഒരു ജനസഞ്ചയമല്ല എനിക്കുമുന്നിൽ
നൂറ്റാണ്ടുകളായി വിധേയപ്പെട്ട് വിധേയപ്പെട്ട്അ
വരുടെ മുഖംതന്നെ ഒരു മുഖാവരണമായിരിക്കുന്നു
അവരോരോരുത്തരും ഞാനല്ലാതെ മറ്റാരുമല്ല

വാക്കുകൾ കുഴഞ്ഞുകുഴഞ്ഞ് വലപോലെ ആയിരിക്കുന്നു
ചിത്രങ്ങൾ അളിഞ്ഞളിഞ്ഞ് ചെളിപോലെയായിരിക്കുന്നു
വലയും ചെളിയും കൂടിച്ചേർന്ന്
എന്തോപോലെയായിരിക്കുന്നു
എനിക്കീ വാക്കുകളും ചിത്രങ്ങളും
അഴിച്ചെടുത്തേ മതിയാവൂ

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) editor@athmaonline.in,

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

ഈ ലിങ്കിൽ ക്ലിക്ക് ചെയ്ത് ഓൺലൈൻ ആൻഡ്രോയ്ഡ് ആപ്പ് ഇൻസ്റ്റാൾ ചെയ്യൂ…

Related Articles

ങേ

ഗോത്രഭാഷാ കവിത സുകുമാരൻ ചാലിഗദ്ധ ഭാഷ: റാവുള ചൂരിയെന്നുമു ഈച്ചിര പാപ്പെന്നുമു പഗെല്ലുനെമു അന്തിനെമു മാറി മാറി മേയ്ക്കിൻ്റോരു. മാവും കാറ്റും തണെല്ലുമു ബെയ്ല്ലുമു ചമെയ ജൂഞ്ചിലി ബട്ട തിരിഗിൻ്റൊരു അവ്ടെ ഒരു അമ്മെൻ്റ ബാറിലി ജിന്നാ മൂത്തിച്ചു ആച്ചെയാന്ന, ആച്ചെ മൂത്തിച്ചു മാച്ചമാന്ന മാച്ച മൂത്തിച്ചു...

ടൈം മെഷീൻ

കവിത സീന ജോസഫ് മഴയെത്ര വേഗത്തിലാണൊരു ടൈം മെഷീനാകുന്നത് ! മധ്യവയസ്സിന്റെ വെള്ളിനൂലുകൾ തൂവാനം നനയുമ്പോൾ മനസ്സോടുന്നു, ഓട്ടിൻപുറത്തെ മഴത്താളം കേട്ട്, മഴക്കുമിളകളുടെ അൽപായുസ്സിൽ നൊന്ത്, പടിഞ്ഞാറ്റു മുറ്റത്ത് മഴയിലേക്ക് കാലുനീട്ടിയിരിക്കുന്ന പെറ്റിക്കോട്ടുകാരിയിലേക്ക്! മുറ്റത്തെ സാൽവിയയും* ബീബാമും* മുറിച്ചൊതുക്കുമ്പോൾ മിന്റ് മണക്കുന്ന കാറ്റിലുമുണ്ടൊരു സമയയന്ത്രം! മനസ്സിൽ സ്വർണ്ണക്കുണുക്കിട്ട വിശറിഞൊറി മുണ്ടിന്റെ മിന്നലാട്ടം. പനിക്കൂർക്കയുടെ, കറുകപ്പുല്ലിന്റെ, നറുമണം. തൊണ്ടക്കുഴിയിൽ കുറുകുന്നു ഗദ്ഗദപ്പിറാവുകൾ ! ഡാലിയയിലും സീനിയയിലും പൂക്കാലം വരച്ചിടുന്നു നിറമേളങ്ങളുടെ മറ്റൊരു സമയയന്ത്രം! ഒരു വളകാലൻ കുട മനസ്സിൽ നിവർത്തുന്ന കരുതൽത്തണൽ. "എന്റെ കുഞ്ഞേ നിനക്കൊരു കാന്താരിയോ പച്ചമുളകോ നട്ടൂടെടി " എന്ന ചോദ്യം, "അത് വേണേൽ അപ്പച്ചി...

പോസ്റ്റ് ഓഫീസ് മാൻ

കവിത ബിബിൻ ആൻ്റണി ചിത്രീകരണം: ബിബിൻ ആൻ്റണി പ്രാവുകൾക്കുവേണ്ടി മരിക്കുന്ന ഒരാളുണ്ട്. സന്ധിബന്ധങ്ങളുടെ ഉറവക്കുഴികളിലെല്ലാം അയാൾ നെല്ലും പയറും തിനയും കരുതി വയ്ക്കുന്നു. തൊണ്ടക്കുഴിയിൽ പ്രണയത്തിന്റെ മുറിപ്പാടിൽ കുടിനീരിന്റെ കരുതൽ കാത്ത് വയ്ക്കുന്നു. അയാളൊരു പഴയ തപാലാപ്പീസിന്റെ നിറത്തിൽ ഇടിഞ്ഞും പൊളിഞ്ഞും ഇരുട്ടു പൂശിയും ചെതുക്കിച്ചിരിക്കുകയാണ്... അയാളിലെ അറകളിൽ, മുറികളിൽ, മച്ചുകളിൽ നീലച്ചില്ലുടഞ്ഞ അലമാരകളിൽ കുന്നുകൂടി, കൂടണയാതെപോയ കത്തുകളിലെ മേൽവിലാസങ്ങളിൽ നിന്നും പ്രാവുകൾ മുട്ട വിരിഞ്ഞിറങ്ങുന്നു, പെരുകുന്നു, ഫിഗ് ഫ്രൂട്ടു പോലെ കുലച്ചു കിടക്കുന്നു... അവ കൊക്കുരുമ്മുമ്പോൾ ചിറകുണക്കുമ്പോൾ കൊത്തി...

Leave a Reply

Stay Connected

14,715FansLike
21FollowersFollow
1,170SubscribersSubscribe
spot_img

Latest Articles

WhatsApp chat
%d bloggers like this: