Sunday, August 7, 2022

ആദ്യാവസാനം പ്രേമം

കവിത
രേഷ്മ സി

ഒളിച്ചേ കണ്ടേ കളിക്കുന്ന കാലത്ത്
പിന്നാലെ വന്ന നായ്ക്കുഞ്ഞിനെയാണ്
പിന്നെക്കാലത്ത്
പൈങ്കിളിപ്പാട്ടുകാർ
പ്രേമമെന്ന് പറഞ്ഞത്.

തോട്ടിൻകരയിലിരുന്ന്
കൊത്താങ്കല്ലാടുന്ന പെൺകുട്ടി
അക്കാലത്തൊന്നും
ആ വഴിയേ
നടന്നിട്ട് തന്നെയില്ല.

പ്രായമേറിയപ്പോൾ,
പാട്ടുപാടിക്കൊണ്ട്
പെൺകുട്ടികളുടെ നെഞ്ചിൽ
പൂക്കളുരുവായപ്പോൾ,
അവൾ മാത്രം ഒറ്റ.

ഇലപ്പൊന്തകളിളക്കി
ഇരമ്പിവന്ന
ഇരട്ടിമധുരങ്ങളിലും
ഇവൾ മാത്രമൊറ്റ.

പിന്നെയും
പത്താണ്ട് കഴിഞ്ഞു,
പ്രേതസിനിമയിലെ
പ്രേതഗാനങ്ങളെ പോലെ
പ്രേമമാവേശിച്ചപ്പോൾ.

അവൾ എടുത്തില്ല,
പ്രേമത്തെ
പ്രേമത്തെ തന്നെ
പേടിച്ച ഉടലിനെ.

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

Related Articles

നീന്തൽ

കവിത  യഹിയാ മുഹമ്മദ് കടൽ. കുഞ്ഞിനെ കൈവെള്ളയിൽ കിടത്തി കരയിലേക്ക് നീന്താൻ പഠിപ്പിക്കുന്നു. വെള്ളത്തിൽ നീന്തുന്നത് പോലെ എളുപ്പമല്ലല്ലോ കരയിലെ നീന്തൽ കല്ലും മുള്ളും നിറഞ്ഞത് കൊണ്ട് മേനിയാകെ ഉരഞ്ഞു പൊട്ടും. കടൽ കുഞ്ഞ് നീന്തി നീന്തി നാടും കാടും കടന്ന് മലയുടെ ഉച്ചി വരെയെത്തി. കടലെത്ര തിരിച്ചുവിളിച്ചിട്ടും അവനുച്ചിയിൽ നിന്ന് താഴെക്കിറങ്ങി വന്നതേയില്ല. കുഞ്ഞുങ്ങൾ. വികൃതിക്കുരുന്നുകളുണ്ടോ പറയുന്നത് കേൾക്കുന്നു! നീന്തിപ്പോയ...

കല്ലുവിളയിലെ കവടികളിസംഘം

കഥ ബിനുരാജ് ആർ. എസ് 1. "തീട്ടം ബൈജൂന്റണ്ടി ഞെരടി ഒടയ്ക്കണം", സേവിയും ഗോപനും തീരുമാനിച്ചു. "ഇനി ഒരുത്തനോടും അവനിങ്ങനെ കാണിക്കരുത്. കുറേ നാളായി പല കാര്യങ്ങൾക്ക് ഓങ്ങി വെക്കണ്. നമ്മളക്കൊണ്ടെന്തക്ക പറ്റോന്നവന് കാണിച്ച് കൊടുക്കണം." ഒരു...

തോട്ടോഗ്രഫി 2

തോട്ടോഗ്രഫി 2 പ്രതാപ് ജോസഫ് "a good photograph is knowing where to stand" Ansel Adams നിൽപ്പ്‌ വെറും നിൽപ്പല്ല, നിലപാടുകൂടിയാണ്‌. എവിടെ നിൽക്കണം/ എന്ത് നിലപാടെടുക്കണം എന്നറിയുന്നതാണ്‌ ജീവിതത്തിലെയും ഏറ്റവും അനിവാര്യമായ അറിവ്‌. ഫോട്ടോഗ്രഫിയും...
spot_img

Latest Articles