Friday, May 27, 2022

ഒറ്റ ഫ്രെമിലെ നിലാചിത്രം

കവിത
ശാലിനി പടിയത്ത്

പിച്ചകപ്പൂക്കൾക്കുമപ്പുറം
നിന്റെ ചിരി 
നിന്നു പൂക്കുന്നുണ്ട്

കള്ളിപ്പാലകൾക്കുമിപ്പുറം
നിന്റെയുടൽ ചുരുണ്ട് വിടരുന്നുണ്ട്

വാകയിലകൾക്കു മീതെ
നിന്റെ നനഞ്ഞ പാദങ്ങൾ
പതുക്കെ 
വളരെ പതുക്കെ 
അമർന്നു പോകുന്നുണ്ട്

വെള്ളിയോളങ്ങളിൽ 
തങ്ങിനിന്ന 
നിന്റെ ആമ്പൽപൂമണം
കാറ്റ്
എന്റെ നനഞ്ഞ മുടിയിലേക്ക് 
പൊതിഞ്ഞുണക്കുന്നുണ്ട്

എല്ലാം 
നീല നിലാചന്തത്തിലൊതുക്കി
ഇന്ദുമതി
ചന്ദനക്കാടുകൊണ്ട്
ഒറ്റ ഫ്രെയിം തീർത്തിട്ടുണ്ട്

നോക്കൂ 
ആ ഫ്രെയ്മിനുള്ളിൽ 
നീയും ഞാനും

വാൽത്തുമ്പിൽ കവുങ്ങിൻ
പൂക്കുലചുറ്റിയ
ഉടലിൽ നിറമഞ്ഞളാടിയ
ചുണ്ടുകളിൽ മാണിക്യം കൊരുത്ത
നറുംപാൽമണമുള്ള
കളളിപ്പാലപ്പൂവുടുപ്പിട്ട
രണ്ട്
വെള്ളിനാഗങ്ങൾ


ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

1 COMMENT

LEAVE A REPLY

Please enter your comment!
Please enter your name here

spot_img

Related Articles

ഐലന്റ് ഓഫ് ലവ്

നോവലെറ്റ് അഞ്ജലി മാധവി ഗോപിനാഥ് അയേഷ റോഡ്രിഗസിനെ ആദ്യമായി കാണുമ്പോൾ അയാൾ നീല നിറത്തിലുള്ള ഒരു ഷർട്ടും പാന്റുമാണ് ധരിച്ചിരുന്നത്. വെള്ളാരം കണ്ണുകളുള്ള, നേർത്ത പുഞ്ചിരി കൈമുതലായുള്ള ഒരു ചെറുപ്പക്കാരൻ. കൊടുങ്കാറ്റു പോലെയാണ് അയാൾ അയേഷയുടെ...

പ്രണയസങ്കേതം

കഥ വി.രൺജിത്ത് കുമാർ  'ആരോഗ്യമാണ് അഹങ്കാര' മെന്ന ദീപന്റെ പുതിയ വാട്സ്ആപ്പ് സ്റ്റാറ്റസ് വന്നയുടനെ ഗോപിക എന്താണ് സംഭവിച്ചത് എന്ന് തിരക്കി മെസ്സേജ് വിട്ടു. അവന്റെ മറുപടിക്കായി ഒന്ന്  രണ്ട് മിനിറ്റുകൾ കൂടി നിന്ന...

ഭൗമികമാകുന്ന കവിതാബോധ്യങ്ങൾ

വായന ഉണ്ണികൃഷ്ണൻ കളമുള്ളതിൽ ഇംഗ്ലീഷ് വിഭാഗം ശ്രീവ്യാസ എൻ എസ് എസ് കോളേജ് വടക്കാഞ്ചേരി   'പ്രകൃതി മനുഷ്യന്റെ അജൈവ ശരീരമാണ്, മനുഷ്യന്റെ ഭൗതികവും മാനസികവുമായ ജീവിതം പ്രകൃതിയോട് ബന്ധപ്പെട്ടിരിക്കുന്നു എന്നു പറയുന്നതിനർത്ഥം, പ്രകൃതി അതിനോടു തന്നെ ബന്ധിതമായിരിക്കുന്നു എന്നാണ്....
spot_img

Latest Articles