Sunday, September 27, 2020
Home PEOPLE സുബൈർ സിന്ദഗി

സുബൈർ സിന്ദഗി

സുബൈർ സിന്ദഗി

മുഹമ്മദ് നഫീസ ദമ്പതികളുടെ മകനായി ജനനം. സഹോദരൻ സബാഹുദ്ദീൻ വിദേശത്ത് ജോലി ചെയ്യുന്നു. പാവിട്ടപ്പുറം എ.എം.എൽ.പി സ്കൂൾ, കോക്കൂർ അബ്ദുൾ ഹയ്യ് ഹാജി മെമ്മോറിയൽ ഹയർ സെക്കണ്ടറി സ്കൂൾ, പുതുപൊന്നാനി ഹാജ്യാർ സ്കൂൾ, പുതുപൊന്നാനി എം. ഐ ഹൈസ്കൂൾ എന്നിവിടങ്ങളിലായി പ്രാഥമിക വിദ്യാഭ്യാസം. പ്രദേശത്തെ പൊതു പ്രവർത്തകനായ കുഞ്ഞാലൻ ഹാജിയുടെ ഉപദേശപ്രകാരമാണ് സുബൈറിനെ പുതുപൊന്നാനി മഊനത്തുൽ ഇസ്ലാം യതീംഖാനയിൽ ചേർത്തത്.

പത്താം ക്ലാസ്സിലെ പഠനകാലത്ത്  ആർട്ടിസ്റ്റ് ശ്രീധരൻ ചങ്ങരം കുളം, ഗ്ലാമർ ആർട്ട് അലി എന്നിവർക്കു കീഴിൽ പരസ്യരംഗത്ത് പ്രവർത്തിച്ചു കൊണ്ടാണ് കലാരംഗത്തെ പ്രവർത്തനങ്ങൾ ആരംഭിച്ചത്.

പാവിട്ടപ്പുറത്ത് വർക്ക്ഷോപ്പ് തൊഴിലാളിയായും കൂലിപ്പണിക്കാരനായും ജീവിച്ചു പിന്നീട് കുറച്ചു കാലം ആന്ധ്രാപ്രദേശിലെ കർണൂൽ, പഞ്ചലിംഗാല ചെക്ക് പോസ്റ്റ് , വിജയവാഡ എന്നിവിടങ്ങളിൽ ഹോട്ടൽ തൊഴിലാളിയായും മറ്റും അലഞ്ഞു തിരിഞ്ഞു. അതിനു ശേഷം വീണ്ടും ചങ്ങരം കുളത്തെത്തി നിറം പ്രേംദാസ് , ജേസൺ അയിനൂർ, അതുല്യ ആർട്ട്സ് എന്നിവിടങ്ങളിൽ പ്രവർത്തിച്ചു. തുടർന്ന് പൊതുപ്രവർത്തകനായ പാവിട്ടപ്പുറം ഇബ്രാഹിം പള്ളിയറക്കലിന്റെ പ്രോത്സാഹനത്തിൽ സിന്ദഗി ആർട്ട് മിഡിയ എന്ന സ്ഥാപനം ആരംഭിച്ചു.

സൈക്കിൾ റിപ്പയറിംഗ് തുടങ്ങിയ ജോലികൾ ചെയ്തിരുന്ന ജേഷ്ഠൻ കുഞ്ഞിപ്പ അലിയുടെ  കലാപ്രവർത്തനങ്ങളും, കഥ പറച്ചിലുകളുമാണ് ആദ്യ പ്രചോദനം. മൂന്നു വർഷത്തോളം പുതുപൊന്നാനി മഊനത്തുൽ യതാമ സാഹിത്യ സമാജം സെക്രട്ടറിയായിരുന്നു. ആ കാലത്താണ് പുസ്തകങ്ങളിലേക്കും എഴുത്തിലേക്കും അടുക്കാൻ അവസരം ലഭിച്ചത്. തലച്ചുമടായി പുസ്തകങ്ങൾ കൊണ്ടുനടന്ന് വിറ്റിരുന്നവരിൽ നിന്നും സ്ഥിരമായി പുസ്തകങ്ങൾ വാങ്ങിയിരുന്ന ഫാത്തിമത്തയ്ക്ക് പുസ്തകം വായിച്ചു കൊടുക്കുന്ന ശീലം സുബൈറിലെ വായനാശീലം വർദ്ധിപ്പിച്ചു. 

പഠനകാലത്ത് ചെറിയ സമ്മാനങ്ങളൊക്ക ലഭിച്ചിരുന്ന സുബൈറിനെ ട്രാക്സ് ദുബായ് ആദരിച്ചിട്ടുണ്ട്. ആർട്ടിസ്റ്റ് ആന്റ് റൈറ്റേഴ്സ് കൾച്ചറൽ ഫൗണ്ടേഷന്റെ 2019 ലെ ഡോ. അംബേദ്കർ ഫെലോഷിപ്പ് സുബൈർ സിന്ദഗിക്കായിരുന്നു. ഇതിലെല്ലാം ഉപരിയായി പാവിട്ടപ്പുറത്തെ ജനങ്ങളുടെ അംഗീകാരത്തിനും സ്നേഹത്തിനും സുബൈർ വില കൽപ്പിക്കുന്നു. 2019 നവംബർ അഞ്ചാം തിയ്യതി കോക്കൂർ സ്കൂളിൽ വെച്ച് ഉപജില്ലാ കലോത്സവവേദിയിൽ ആദരിക്കപ്പെടുകയുണ്ടായി.

രചനകൾ

ആത്മ ഓൺലൈനിൽ ഇടവഴിയിലെ കാല്പാടുകൾ എന്ന പംക്തിയിൽ എഴുതി വരുന്നു.

ഡയാന കട്ടപ്പനയിലെ രാജകുമാരി

വ്യത്യസ്തനാം ഒരു ബാർബറാം തങ്കരാജ്

അയ്യൂബ് ഇക്ക

കൂടുതൽ വായിക്കാം

കവിതകൾ

ഇവിടെ കുറെ കുറെ മനുഷ്യരുണ്ടായിരുന്നു 

അവസാനത്തെ ക്ഷണക്കത്ത്

 

കലാസംവിധാനം ചെയ്ത സിനിമകൾ

ഏഴു ദേശങ്ങൾക്കുമകലെ (2013) – സംവിധാനം : റഷീദ്‌ കെ. മൊയ്‌തു.

ജീംബൂംബാ (2019) – സംവിധാനം : രാഹുൽ രാമചന്ദ്രൻ

എൻറും ഇളമൈ – തമിഴ് (2013)- സംവിധാനം : വിപിൻ ബാബു

രാക്ഷസ രാവണൻ (2019) – സംവിധാനം : ജോജൻ ജോസഫ്

കുടുംബം

മാതാപിതാക്കൾ : മുച്ചിക്കൂട്ടത്തിൽ നഫീസ, ചാവക്കാട് പൂവത്തൂർ മുഹമ്മദ്
സഹോദരൻ : സബാഹുദ്ദീൻ
ജീവിത പങ്കാളി : ശൈബത്
മക്കൾ : മുഹമ്മദ് സ്വലാഹുൻ അയ്യൂബി, മുംജിത സുൽത്താന ആയിഷ, മാജിത സുൽത്താന ആസ്മി.

വിലാസം 

സുബൈർ സിന്ദഗി
പാവിട്ടപ്പുറം, എ.പി.ജെ നഗർ
ഒതളൂർ പോസ്റ്റ്, മലപ്പുറം ജില്ല
പിൻ: 679591
ഫോൺ : 8157864834 

subair zindagi athmaonline 04

subair zindagi athmaonline 03

subair zindagi athmaonline 02

subair zindagi athmaonline 01


ക്രിയാത്മക മേഖലകളിൽ പ്രവർത്തിക്കുന്നവരുടെ പ്രൊഫൈലുകൾ ആത്മ ഓൺലൈൻ പ്രസിദ്ധീകരിച്ചു വരുന്നു. താൽപ്പര്യം ഉള്ളവർ ഇവിടെ കൊടുക്കുന്ന നമ്പറിൽ അമർത്തുക 9048906827

Leave a Reply

Most Popular

ആരോഗ്യമുള്ള അമീബകൾ

കവിത ഭാഗ്യശ്രീ രവീന്ദ്രൻ വി. ആർ സൂത്രവാക്യങ്ങളിലേക്ക് വിവർത്തനം ചെയ്ത സൂക്ഷ്മലോകങ്ങളെ ഈ നോട്ടുബുക്കിൽ നിങ്ങൾ വായിക്കും. പക്ഷേ, "ആരോഗ്യമുള്ള അമീബകളാണ് ഈ ഗവേഷണത്തിന്റെ ഐശ്വര്യം" എന്ന് നിങ്ങളിതിൽ കാണില്ല. എന്തെന്നാൽ പ്രസിദ്ധീകരണയോഗ്യമല്ലാത്ത വസ്തുതകളാണ് ഗവേഷണജീവിതത്തിന്റെ യാഥാർത്ഥ്യമെന്ന് ആരും പറയാറില്ല. പറയാത്തതുകൊണ്ട് അതൊന്നുമില്ലെന്നല്ല, മറിച്ച് മിണ്ടാത്തതുകൊണ്ട് ഗവേഷകരുണ്ട്, ഉണ്ടാകുന്നുമുണ്ട് എന്നതാണ് വാസ്തവം. ശാസ്ത്രീയമായ ഒരുദാഹരണം നോക്കൂ: "അനുസരണയുള്ള വിദ്യാർത്ഥിനി...

ഓർമ്മച്ചുരങ്ങളുടെ ചൂടും തണുപ്പും

സുരേഷ് നാരായണൻ ഓർമ്മകൾ പലതരമുണ്ട്. മഴ നനഞ്ഞതു മുതൽ മന്ത്രകോടി കൊടുത്തതു വരെ. മറവിക്കു പണയം വെച്ചതുമുതൽ മരണത്തിനു ബലിയിട്ടതു വരെ. ബത്തേരിയുടെ മാനസപുത്രനായ അർഷാദ് ബത്തേരി നമ്മെ ക്ഷണിക്കുകയാണ് ഓർമ്മച്ചുരങ്ങളുടെ ഒളിത്തണുപ്പുകളിലേക്ക്! ചുരംകയറുകയാണ് ഇറങ്ങുകയാണ് എന്ന...

ആരവങ്ങളില്ലാതെ- അകലങ്ങളിൽ സമാന്തര എൽ.എൻ.വി ഓൺലൈൻ യുവജനോത്സവം

കോവിഡ് മഹാമാരിയുടെ പശ്ചാത്തലത്തിൽ മുടങ്ങിക്കിടക്കുന്ന സ്കൂൾ യുവജനോത്സവത്തിന് ബദൽ സാധ്യതകൾ തേടുകയാണ് നാടക പ്രവർത്തകുടെ ആഗോള ഓൺലൈൻ കൂട്ടായ്മയായ ലോക നാടക വാർത്തകൾ. ഒക്ടോബർ, നവംബർ, ഡിസംബർ മാസങ്ങളിൽ റിഥം ഹൗസ് പെർഫോർമിങ്ങ്...

രമണി

കവിത മാനസി പി.കെ രമണിയെ വീണ്ടും കാട്ടിനുള്ളിൽ കണ്ടത്രേ. ഇത്തവണ കൊള്ളി പെറുക്കാൻ പോയ ശാന്തയാണ് രമണിയെ കണ്ടത്. പനമരത്തിന്റെ താഴെ രമണിയും, നരുന്ത് പോലൊരു ചെക്കനും. ലേശം മുരിമ ഇണ്ടെങ്കിൽ പൊരൻ്റുള്ളിൽ കൊണ്ടോകെടീ പൊലയാടിച്ചി മോളേന്ന് ശാന്ത കാർക്കിച്ചു തുപ്പി. പൊരന്റുള്ളിലിത്ര കാറ്റും, വെളിച്ചോം കിട്ടൂല ശാന്തേന്ന്...
%d bloggers like this: