Tuesday, August 9, 2022

ഇരുവശത്തേക്കും DNA പിന്നിയിട്ട പെൺകുട്ടി

കവിത

താരാനാഥ്

“ഒടുക്കം അടക്കുമ്പോളേലും
നിനക്ക് അടക്കവും ഒതുക്കവും ഒണ്ടാകുവോടീ ? ”
എന്ന പ്രാക്ക്
പ്രാവിന്റെ “പ്രാ”, വാക്കിന്റെ “ക്ക്”
എന്നിവ ഉള്ളതിനാൽ
പുറകേ പറന്നു വന്നു
ശകാരച്ചെപ്പിയടഞ്ഞ
ചെവിയിൽ കൊത്തിയപ്പോൾ
ഉള്ളൊന്നു കുടഞ്ഞ്
അവൾ നന്നാവാൻ തീരുമാനിച്ചു.
നന്നാവുമ്പോൾ
അടിസ്ഥാനം തൊട്ട് വേണം.
അവൾ DNA എടുത്ത്
മെഴുക്കു പുരട്ടി
മെടഞ്ഞിട്ടു !
ഇരു വശത്തും
ജീവസ്പന്ദത്തിന്റെ
രഹസ്യരേഖകൾ
പരസ്യമാലയായ് കോർത്തു.
അവളൊന്നു മെടഞ്ഞതഴിച്ചാൽ
കോടാനുകോടി വർഷത്തെ
നരവംശ സൗധം ഇടിഞ്ഞു വീഴുമെന്നായി.
സാമ്പ്രദായിക സൂക്തങ്ങൾ
ആചാരജഡകെട്ടി
ഈരും പേനും വളർത്തി
തളർത്തിയവ
ഇപ്പോൾ ആരോഗ്യമുള്ള
കെട്ടിൽ അടങ്ങി ! ഒതുങ്ങി !
മുടിത്തുമ്പിൽ
ഭൂമിയെക്കെട്ടിത്തൂക്കി
അവൾ നടന്നു .
“ഇത്ര കാറ്റു വേണ്ട ” എന്നൊരു സംഭാഷണ ശകലം കാറ്റത്തു
പ്രാകിപ്പാറി.


ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

Related Articles

നീന്തൽ

കവിത  യഹിയാ മുഹമ്മദ് കടൽ. കുഞ്ഞിനെ കൈവെള്ളയിൽ കിടത്തി കരയിലേക്ക് നീന്താൻ പഠിപ്പിക്കുന്നു. വെള്ളത്തിൽ നീന്തുന്നത് പോലെ എളുപ്പമല്ലല്ലോ കരയിലെ നീന്തൽ കല്ലും മുള്ളും നിറഞ്ഞത് കൊണ്ട് മേനിയാകെ ഉരഞ്ഞു പൊട്ടും. കടൽ കുഞ്ഞ് നീന്തി നീന്തി നാടും കാടും കടന്ന് മലയുടെ ഉച്ചി വരെയെത്തി. കടലെത്ര തിരിച്ചുവിളിച്ചിട്ടും അവനുച്ചിയിൽ നിന്ന് താഴെക്കിറങ്ങി വന്നതേയില്ല. കുഞ്ഞുങ്ങൾ. വികൃതിക്കുരുന്നുകളുണ്ടോ പറയുന്നത് കേൾക്കുന്നു! നീന്തിപ്പോയ...

കല്ലുവിളയിലെ കവടികളിസംഘം

കഥ ബിനുരാജ് ആർ. എസ് 1. "തീട്ടം ബൈജൂന്റണ്ടി ഞെരടി ഒടയ്ക്കണം", സേവിയും ഗോപനും തീരുമാനിച്ചു. "ഇനി ഒരുത്തനോടും അവനിങ്ങനെ കാണിക്കരുത്. കുറേ നാളായി പല കാര്യങ്ങൾക്ക് ഓങ്ങി വെക്കണ്. നമ്മളക്കൊണ്ടെന്തക്ക പറ്റോന്നവന് കാണിച്ച് കൊടുക്കണം." ഒരു...

തോട്ടോഗ്രഫി 2

തോട്ടോഗ്രഫി 2 പ്രതാപ് ജോസഫ് "a good photograph is knowing where to stand" Ansel Adams നിൽപ്പ്‌ വെറും നിൽപ്പല്ല, നിലപാടുകൂടിയാണ്‌. എവിടെ നിൽക്കണം/ എന്ത് നിലപാടെടുക്കണം എന്നറിയുന്നതാണ്‌ ജീവിതത്തിലെയും ഏറ്റവും അനിവാര്യമായ അറിവ്‌. ഫോട്ടോഗ്രഫിയും...
spot_img

Latest Articles