Tuesday, July 27, 2021

തേനി

കവിത

സ്റ്റെല്ല മാത്യു

മുളകുരോമങ്ങളോട്
ചേരുന്ന പ്രാണന്റെ നെരുംപച്ച മണിയിലേക്ക്
കിതപ്പാറാതെ പാഞ്ഞുവരുന്ന
പൊള്ളുതേനി പ്രാണീ
നീയടുത്തു വരല്ലേ
വരും വഴി മുഴുക്കെ
തേനുണ്ടായിരിക്കെ
നീലിമല നിറയെ
കുടിച്ചുമുത്താൻ
കാട്ടുക്കാന്താരിയുമുണ്ടായിരിക്കെ
നിന്റെയരികെ
പ്രാണനായ കുഞ്ചിയുമിരിക്കെ.

athmaonline-the-arteria-stella-mathew-theni-poetry-illustration-subesh-padmanabhan
Illustration : Subesh Padmanabhan

വെറുതെയൊന്ന് നോക്കുക.
നിറങ്ങളുടെ പച്ചയിറ്റിൽ തണുപ്പാർന്ന
കഴുകനഖത്തണ്ടിറങ്ങിയാഴ്ന്ന
നീലമേഘത്തുണ്ട്.
അതിൽനിന്നിപ്പോഴും
നിറഞ്ഞുച്ചോരുന്ന തുള്ളികൾ
വെൺകൽതുണ്ടുകൾ
അതിലിറയം നനഞ്ഞു
തേവും അന്നച്ചട്ടികൾ
ചെറുവോടത്തോണികളിൽ കത്തും കുറ്റിപന്തങ്ങൾ
ചെറുതായി തടഞ്ഞൊഴുകും
കൂന്തലുകൾ.

കാറ്റൊണക്കത്തിനായി
കൂട്ടിയിട്ട
മുളകുചെടിയിലിന്നുംഞാൻ
എരിവുനിറച്ചിട്ടില്ല
എരി കെടാത്ത
നെഞ്ചിലത് പൊള്ളലാണ് തേനീ.

നിന്നീർച്ചയിരമ്പലിന്റെ പാതിരാ കുടിച്ചെല്ലാ കുടിലിനും ദെണ്ണം
പനമ്പായകളിൽ വിശപ്പെരിവ്
നീറ്റലിൽ തുള്ളിവീണ്
കരിമണികൾ നീരുവറ്റി കിടന്നു.

ഇനിയും കർഷകനെ
കണ്ണിമയ്ക്കാതെ നോക്കല്ലേ തേനി.

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Related Articles

തിറയാട്ടം

ഫോട്ടോ സ്‌റ്റോറി മിന്റു ജോൺ ആൾക്കൂട്ടങ്ങളിലേക്കിറങ്ങി ആ ബഹളങ്ങൾ ആസ്വദിക്കുക, കുറേയധികം ആളുകളുമായി സംസാരിക്കുക ... യാത്രകൾ അങ്ങനെ പലതും വല്ലാതെ മിസ്സ് ചെയ്യാൻ തുടങ്ങിയ അവസരത്തിലാണ് കോവിഡിന്റെ ഒന്നാം ഘട്ട ലോക്ക് ഡൗണിന് ഒരയവ്...

ഭൂമിയുടെ വിത്ത്

കവിത കുഴൂർ വിത്സൺ അതിരാവിലെ ഭൂമിയുടെ വിത്തുകൾ ശേഖരിക്കാൻ പുറപ്പെട്ടു തിരിച്ച് പറക്കും വഴി ചിലത് പുരമുകളിൽ വീണു ചിലത് മലമുകളിൽ വീണു മറ്റ് ചിലത് വയലുകളിൽ ഭൂമിയുടെ വിത്തുകൾ മണ്ണിലും കണ്ണിലും വിണ്ണിലും മുളയ്ക്കാൻ...

വിനിമയവും മൂന്ന് കവിതകളും

കവിത ടി. പി. വിനോദ് 1. പറയുന്നു “കിതക്കുന്നല്ലോ? നടക്കുകയാണോ?” “അല്ല, നിന്റെ ശബ്ദത്തിൽ നിന്ന് ശ്വാസമെടുക്കുകയാണ്, കിട്ടാവുന്ന സമയത്തിനുള്ളിൽ പറ്റാവുന്നത്ര വേഗത്തിൽ.” 2. തോന്നുന്നു ഒരു ജലകണത്തിന് മരത്തിനുള്ളിലേക്ക് പോകാമെന്ന് തോന്നുന്ന മട്ടിൽ, ഒരു പുഴ തനിക്ക് കുറുകെ സഞ്ചാരങ്ങളെ വിട്ടുകൊടുക്കുന്ന വിധത്തിൽ, മനുഷ്യർക്കും എനിക്കുമിടയിൽ വേരുകളോ പാലങ്ങളോ ഉള്ളതിന്റെ സങ്കീർണ്ണമായ അത്ഭുതം 3. ചോദിക്കുന്നു ഏകാന്തത ഒരു ചോദ്യമാണെങ്കിലല്ലേ അതിനൊരു ഉത്തരം കണ്ടെത്തേണ്ടതുള്ളൂ? ... https://www.youtube.com/watch?v=YJNAL4fiNjg ടി.പി.വിനോദ് കവി. ഗവേഷകന്‍. ബംഗളൂരുവിലെ...

Leave a Reply

Stay Connected

14,715FansLike
18FollowersFollow
1,170SubscribersSubscribe
spot_img

Latest Articles

WhatsApp chat
%d bloggers like this: