Friday, July 1, 2022

ഷിജു കെ.പിയുടെ ‘വളയുന്ന അഞ്ച് നേർരേഖകൾ’ പ്രകാശിതമായി

യുവ എഴുത്തുകാരി ഷിജു കെ.പി.യുടെ ‘വളയുന്ന അഞ്ച് നേർരേഖകൾ’ എന്ന കഥാസമാഹാരം പ്രകാശിതമായി. അയനം ചെയർമാനും കവിയുമായ വിജേഷ് എടക്കുന്നിയാണ് പുസ്തകം പ്രകാശനം ചെയ്തത്. എഴുത്തുകാരനായ ശ്രീശോഭാണ് പുസ്തകം ഏറ്റുവാങ്ങിയത്. അയനം നിർവാഹകസമിതി അംഗമായ ശ്രീശോഭ് തന്നെയാണ് പുസ്തകത്തിന്റെ അവതാരികയെഴുതിയതും.

അടച്ചിട്ട്, അകത്തളത്തിലിരിക്കേണ്ടിവന്ന ലോക്ക്ഡൗൺ കാലത്തെ അലസനേരങ്ങളെ, സർഗാത്മക വൃത്തികൊണ്ട് പ്രതിരോധിക്കുന്ന വർത്തമാന എഴുത്തിന്റെ പ്രതിനിധിയാണ് ഷിജുവെന്ന് ശ്രീശോഭ് വിലയിരുത്തി. പ്രത്യാശയും പ്രതീക്ഷയും മരണവും നർമ്മവും ചിന്തയും പ്രമേയമായിവരുന്ന അൻപതോളം കഥകളടങ്ങിയ ഈ പുസ്തകം, “പുസ്തകപ്പുര”യാണ് വായനക്കാരിലേക്ക് എത്തിക്കുന്നത്. പ്രസാധകയായ പി.കെ കുശലകുമാരിയുടെ ചെറുകുറിപ്പും ‘വളയുന്ന അഞ്ച് നേർരേഖകളി’ലുണ്ട്. 110 രൂപയാണ് പുസ്തകത്തിന്റെ വില.

spot_img

Related Articles

സുരേഷ് കൂവാട്ടിന്റെ “മലക്കാരി” പ്രകാശനം ചെയ്തു

യുവ എഴുത്തുകാരൻ സുരേഷ് കൂവാട്ടിന്റെ ഏറ്റവും പുതിയ നോവലായ "മലക്കാരി", പെരിന്തൽമണ്ണ സബ് കലക്ടർ ശ്രീമതി ശ്രീധന്യ സുരേഷ് I. A. S. പ്രകാശനം ചെയ്തു. ഇതിനോടകം വായനക്കാരുടെ ശ്രദ്ധപിടിച്ചുപറ്റിയ പുസ്തകം, പ്രമുഖ...

രാക്കവിതക്കൂട്ടം, ഒന്നാം വാർഷികാഘോഷവും പുസ്തക പ്രകാശനവും

രാക്കവിതക്കൂട്ടത്തിന്റെ ഒന്നാം വാർഷിക ആഘോഷവും, ഒപ്പം 67 കവികളുടെ കവിതകൾ അടങ്ങിയ കവിതാ സമാഹാരത്തിന്റെ പ്രകാശനവും നാളെ ( ജൂൺ 12) നടക്കും. കേരള സാഹിത്യ അക്കാദമി ഹാളിൽ നടക്കുന്ന പരിപാടിയ്ക്ക് അനുബന്ധമായി...

കുഴൂർ വിത്സന്റെ “മരയാള”മെത്തുന്നു

കാടും മരവും കാട്ടാറുകളും കുഴൂർ വിത്സന്റെ കവിതകളിലെ നിത്യ സന്ദർശകരാണ്. ബ്ലോഗിലെ വ്യത്യസ്തയാർന്ന കവിതകളിലൂടെ ശ്രദ്ധേയനായ കവി, വിവിധ വിദേശഭാഷകളിൽ, "Treemagination" എന്ന പേരിൽ, മരം ഇതിവൃത്തമാവുന്ന കവിതാ പുസ്തകങ്ങൾ പുറത്തിറക്കിയിട്ടുണ്ട്. ഒടുവിൽ,...
spot_img

Latest Articles