Thursday, June 24, 2021

വേദനിക്കുന്നവരുടെ രാജ്യം!

കൃഷ്ണ

ഈ നേരം ,
ഈ ലോകത്ത്
എത്ര മനുഷ്യർ
വേദനിക്കുന്നുണ്ടാവും?

ഒരു വാക്ക് കൊണ്ട്
പോലും വേദന
സംവേദനം
ചെയ്യാൻ കഴിയാതെ,
അടുത്ത നിമിഷം
എങ്ങിനെ
ജീവിക്കുമെന്നറിയാതെ
വഴി തെറ്റിയ,
നില തെറ്റിയ
മനുഷ്യർ !

മനുഷ്യരാൽ,
ഒരു ദുശ്ശകുനമെന്നോണം,
ഉപേക്ഷിക്കപ്പെട്ടവർ.

ഒരുപാട് ചിരിക്കുകയും,
മനുഷ്യരെ ചിന്തിപ്പിക്കുകയും
ചെയ്തിരുന്ന,
ഒടുക്കം സ്നേഹത്തിൻ്റെ
ഒരു വറ്റ് കിട്ടാതെ
പട്ടിണിയിലാവർ !

കുറ്റമെന്തെന്നറിയാതെ,
ജീവിക്കേണ്ടതില്ല,
സ്നേഹിക്കപ്പെടേണ്ടതില്ല
എന്ന ശിക്ഷാവിധികളിൽ
പേര് ചേർക്കപ്പെട്ട
മനുഷ്യരെ നിങ്ങൾ
അറിയാനിടയില്ല!

ലൈക്കടിക്കാനോ
പരിഹസിക്കാനോ
ഒരു ന്യൂസ്ഫീഡിൽ പോലും
നിങ്ങളവരെ കണ്ടിട്ടുണ്ടാകില്ല.

വാർത്തയിൽ
ഒരു ടൈം സ്ലോട്ടില്ലാതെ,
മുഖപുസ്തകത്തിൽ
ഒരു മുഖമില്ലാതെ,
ക്ലബ്ബ് ഹൗസിൽ
ശബ്ദമില്ലാതെ,
സമരം ചെയ്യാൻ
ഒരു വർഗ്ഗമില്ലാതെ,
അടയാളപ്പെടാൻ
കവിതകളില്ലാതെ,
ജീവിതത്തിൽ ഒട്ടും
റീച്ചില്ലാതെ,
ഒതുങ്ങി
ഒടുങ്ങി
പോയവർ!

കല്ലേറ് കൊണ്ട് കൊണ്ട്
ഒടുക്കം അലറി പോയവരെ,
സഹിച്ച് സഹിച്ച്
അവസാനം നില തെറ്റി
പോയവരെ
നിങ്ങൾ ഏത് തട്ടിൽ
തൂക്കും?
കുറ്റവാളിയുടേയോ? ഇരയുടേയോ?
രണ്ടിലേതെന്നറിയില്ലെങ്കിൽ
ഉപേക്ഷിക്കുകയല്ലെ പതിവ്!

പറഞ്ഞു പഠിപ്പിച്ച വെറുപ്പ്
മനുഷ്യരെ കൊന്നുകളയുന്നു.
മൗനം,
മനുഷ്യനെ
ശ്വാസം മുട്ടിക്കുന്നു.

ഈ നേരം,
ഈ ലോകത്ത്
വേദനിക്കുന്നവരെയെല്ലാം
ഞാനറിയും.
ഭാഷയില്ലാത്ത
നിങ്ങളുടെ മുറിവുകളെല്ലാം
എനിക്ക് വായിച്ചെടുക്കാം.

സ്നേഹിക്കാനാണ് പ്രത്യയശാസ്ത്രങ്ങൾ
വേണ്ടത്,
വെറുപ്പിനതില്ല!

നമുക്ക് ചുറ്റും
വെറുപ്പ് തന്നെയാണ്
ഒടുവിൽ
ഉയർത്തെഴുന്നേൽക്കാൻ
ഇത് കഥയുമല്ല,
എങ്കിലും
വേദനിച്ച് മരിക്കുന്നത് വരെ
നിങ്ങളോടൊപ്പം ഞാനും
പോരാടും.

നമ്മൾ,
ദുരിതങ്ങളിൽ
തുണയായവരുടെ
രാജ്യവുമാകും.

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം), ഓൺലൈൻ/ പ്രിന്റ് മാധ്യമങ്ങളിലോ സോഷ്യൽ മീഡിയയിലോ പ്രസിദ്ധീകരിക്കാത്ത രചനകൾ അയക്കാൻ ശ്രദ്ധിക്കുമല്ലോ…! editor@athmaonline.in , WhatsApp : 9048906827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Related Articles

ഉപ്പയില്ലാത്ത ഞാൻ

ബഹിയ ഉപ്പയില്ലാതായതിൽ പിന്നെയാണ് ഞാൻ സ്വതന്ത്രയായത്. അടിക്കടി ഫോണിൽ വിളിച്ച് എവിടെയാണെന്നും എന്താണെന്നും ഇനിയെപ്പോളിങ്ങ് എത്തുമെന്നും ഇനിയാരും തിരക്കില്ലല്ലോ. വരാനിരിക്കുന്ന പരീക്ഷയെക്കുറിച്ച് നിത്യേനയെന്നോണം ഓർമ്മിപ്പിച്ച് സ്വന്തം കാലിൽ നിൽക്കാൻ ഇനിയാരും പ്രേരിപ്പിക്കില്ലല്ലോ. ചുവന്ന ജിലേബിയും പലഹാരങ്ങളും വാങ്ങിവെച്ച്, കാണുമ്പോഴെല്ലാം വഴക്കു പറഞ്ഞു കഴിപ്പിച്ച് ഇനിയാരുമൊരിക്കലും ഡയറ്റിങ്ങ് തെറ്റിക്കയുമുണ്ടാവില്ല. കാണണോരുടെ മുഴുവൻ പറച്ചിലിനുമപ്പുറം സ്വന്തം കാലുകൾക്കു പോലും...

ഉട്ങ്കല്ത്ത കുപ്പായം

ധന്യ വേങ്ങച്ചേരി ഭാഷ : മാവിലൻ തുളു ഇനി പഠിപ്പ്ക്ണത്ണ്ട് പണ്ട് ടീച്ചെറ് ചോക്കെറ്ത് ബോർഡ്ട്ട് ബരെയെനക തെരെമാലെ മാതിരി ബർത്തടങ്ക്ത് പോക് പുസ്തകം മക്ട്പ്പ്ക്ന കൂറ്റ് കാട്ട് മുല്ലെ തൈ അറ്കറ്കെ കൊള്ളി ച്മ്പ്ത് നിന്റിപ്പ്ക്ണ മാതിരി അ ള ,ഇ ള ,...

ആമ്പലും തത്തയും

മണിക്കുട്ടൻ ഇ കെ ആരോ ആത്മഹത്യ ചെയ്ത മുറിയിലാണ് ഞാനിപ്പോൾ. മുറിയിലെ പഴകിയ ചോരപ്പാടുകൾ, ഇരുട്ട്, അലർച്ചകൾ, എന്തൊക്കെയോ മണങ്ങൾ എല്ലാം ചേർന്ന് പേടിപ്പെടുത്തുന്നു. എത്ര കുതറിയിട്ടും ഉണരാനാവാതെ തളരുന്നു. ഒടുക്കം എല്ലാ കരുത്തും ആവാഹിച്ച ഒരലർച്ചയിൽ കൺതുറന്ന് കിതയ്ക്കുന്നു. ഉണർന്നത് രണ്ടാം സ്വപ്നത്തിലേക്കായിരുന്നു. നിറയെ ആമ്പലുകളുള്ള വയലോരം. അവൾ എന്നോട് ചേർന്നിരിക്കുന്നു. ആമ്പലിന്റെ മണം ഞങ്ങളെ മൂടുന്നു. സാരിയിൽ...

Leave a Reply

Stay Connected

14,715FansLike
18FollowersFollow
1,170SubscribersSubscribe

Latest Articles

error: Content is protected !!
WhatsApp chat