Thursday, May 26, 2022

വെച്ചു കുത്തൽ

കവിത
വിമീഷ് മണിയൂർ

1. വെച്ചു കുത്തൽ

നിന്നെയിടിച്ചു തെറിപ്പിച്ച ബൈക്കിൻ
കണ്ണാടിയിലെന്നെ കണ്ടോ?
നിന്നെ പൊക്കിയെടുത്തോരു കൈയ്യിൽ
കുത്തിയ പച്ച നീ കണ്ടോ?
കണ്ടില്ലയെങ്കിൽ പരാതികളില്ല, നിന്നിൽ
വെച്ചു കുത്തിക്കൊണ്ടിരിക്കാം.

2. ആറു ചക്രത്തിന്റെ വണ്ടീ

എത്ര ബക്കറ്റ് കണ്ണീർ നിന്റെ
തെങ്ങിൻ തടത്തിലൊഴിച്ചൂ
എത്ര മരങ്ങൾ ചിരകി നിന്റെ
കൈയ്യക്ഷരക്കാട് കത്തീ
എത്ര വൈകിയാലും നിന്റെ
കാത്തിരിപ്പിൻ കള്ള് ചെത്തീ
കുത്തിയൊലിച്ചു പോകുന്നേ
നിന്റെയാറുചക്രത്തിന്റെ വണ്ടീ…

3. നേരം

ചുണ്ടുകൾ കൊണ്ട്
മനുഷ്യർ
പരസ്പരം
തൊട്ടു തുടങ്ങിയത്
എന്ന് മുതലാണ് ?
ശ്വാസം കൊണ്ടു മാത്രം
നേരം
വെളുക്കാതെയായപ്പോൾ.

4. നിന്നെ മാത്രം

ക്ലാസ് ഫോട്ടോയിൽ
നിന്റെ പുറകിൽ നിൽക്കുന്നത് ഞാനാണ്
എന്റെ രണ്ട് കണ്ണും അടഞ്ഞു പോയിട്ടുണ്ട്
എന്നാലും സാരമില്ല
ഞാൻ തൊട്ടു നിൽക്കുന്നത് നിന്നെ മാത്രമാണ്.


ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

1 COMMENT

Comments are closed.

spot_img
Previous articleശരി
Next articleപാട്ടിൽ

Related Articles

ഐലന്റ് ഓഫ് ലവ്

നോവലെറ്റ് അഞ്ജലി മാധവി ഗോപിനാഥ് അയേഷ റോഡ്രിഗസിനെ ആദ്യമായി കാണുമ്പോൾ അയാൾ നീല നിറത്തിലുള്ള ഒരു ഷർട്ടും പാന്റുമാണ് ധരിച്ചിരുന്നത്. വെള്ളാരം കണ്ണുകളുള്ള, നേർത്ത പുഞ്ചിരി കൈമുതലായുള്ള ഒരു ചെറുപ്പക്കാരൻ. കൊടുങ്കാറ്റു പോലെയാണ് അയാൾ അയേഷയുടെ...

പ്രണയസങ്കേതം

കഥ വി.രൺജിത്ത് കുമാർ  'ആരോഗ്യമാണ് അഹങ്കാര' മെന്ന ദീപന്റെ പുതിയ വാട്സ്ആപ്പ് സ്റ്റാറ്റസ് വന്നയുടനെ ഗോപിക എന്താണ് സംഭവിച്ചത് എന്ന് തിരക്കി മെസ്സേജ് വിട്ടു. അവന്റെ മറുപടിക്കായി ഒന്ന്  രണ്ട് മിനിറ്റുകൾ കൂടി നിന്ന...

ഭൗമികമാകുന്ന കവിതാബോധ്യങ്ങൾ

വായന ഉണ്ണികൃഷ്ണൻ കളമുള്ളതിൽ ഇംഗ്ലീഷ് വിഭാഗം ശ്രീവ്യാസ എൻ എസ് എസ് കോളേജ് വടക്കാഞ്ചേരി   'പ്രകൃതി മനുഷ്യന്റെ അജൈവ ശരീരമാണ്, മനുഷ്യന്റെ ഭൗതികവും മാനസികവുമായ ജീവിതം പ്രകൃതിയോട് ബന്ധപ്പെട്ടിരിക്കുന്നു എന്നു പറയുന്നതിനർത്ഥം, പ്രകൃതി അതിനോടു തന്നെ ബന്ധിതമായിരിക്കുന്നു എന്നാണ്....
spot_img

Latest Articles